कवीची इच्छा - जगाचे बंध कोणाला - जगाला ...

जगाचे बंध कोणाला - जगाला बांधला त्याला;
मला जो थांबवी ऐसा - जगीं निर्बंध ये कैसा ?
जगानें देह हा केला - जगाला वाहिलें त्याला;
हणा मारा खुडा तोडा - परी आतां मला सोडा.
न कीर्तीला, न प्रेमाला - न सौख्याला, विलासाला,
न विघ्नाला, न मृत्यूला - मला ये आडवाय़ाला ?
वृथा या वाहणें चिंता - वृथा अश्रु वृथा ममता;
वृथा नि:श्वासमालाही - मला जी थांबवीना ही.
पुरे संबंध प्रेमाचा - नको हा खेळ पेमाचा
खरा जो प्रीतिचा प्याला - जगीं सुखी झाला.