रामजोशी - त्या रामाला पायावर अबल...

त्या रामाला पायावर अबला न्हाणी हो ।
ज्याच्या पदीचें तारित जगाला पाणी हो ।
तो विश्वाला प्रसवला तयाची टाळू ।
माखून म्हणती तान्हयासी भय न विटाळू हो ॥१॥
जो गुरु केला शंकरादि सुर लोकांनी हो ।
जो दैत्याच्या नुघडितो नेत्र हाकांनीं हो ।
ह्याच्या कुर्र म्हणुनी हो फुंकिती कानीं हो ॥२॥
अनंतकोटि ब्रह्मांडें ज्यामधीं माती हो ।
करिती ज्याच्या पदरजासी नवस रमा ती हो ।
त्या कविराया निजपदिंची लाविती माती हो ॥३॥