श्री कल्याणचे पद - तुम्ही श्रोते जी महाराजमू...

तुम्ही श्रोते जी महाराजमूर्ती । तेथें माझी जी वित्पत्ती किती ।
काय गावें हे आठवेना चित्तीं । बुद्धिहीण मी महा मूढमती ॥१॥
व्याघ्रसिंह्याचे जनीं भय मोठें । परी तयाचीं पिलीं नेटपाटें ।
तयापुढे खेळती येक वाटे । मायबापाअंतरीं मोह दाटे ॥२॥
प्रभू बोबडे बोल विवरावे । माझे दोष जी गुण न मानावे ।
तुम्हां कल्याण चिंतितो भावें । माझ्या स्वामीचे शब्द परिसावे ॥३॥