श्री गुरूचे पद - सुखरूप जालों स्वामी तुमची...

सुखरूप जालों स्वामी तुमचीया पादसेवे ।
कल्याण माझें जालें रंगलों सोहंभावें ॥ध्रु.॥

चित्त हे वृत्ती माझी चैतन्यीं मुराली ।
संतोषें स्वात्मसुखी अनुभव किल्ली दिली ।
निर्विकल्प वास जाला अनुभव केवळ१ बोली ।
विश्व हें नाहीं अवघे श्रीराम स्वरूपीं पाही ॥१॥
पावलों धांवलों देवा तुमचीया सेवाबळें ।
वेदांतश्रुती ज्यासी निर्विकल्प बोलती बोलें ।
ते मी स्वयंभ जालों हे शब्द मावळले ।
मीपण तूंपण अवघे स्वामी गिळुनी उगळे ठेले ॥२॥
रामावीण वृत्ती माझी आणिक न जाय कोठें ।
जिकडे पाहे तिकडे श्रीराम माझा भेटे ।
कल्याण म्हणे सकळ द्वैतपण जेथें आटे ।
रामदासस्वामी जईं आनंदुघन भेटे ॥३॥