विठ्ठलनाथकृत पदें ६९ ते ७०

पद ६९ वें.

कसा तारिल पंढरीराव ॥ध्रुवपद.॥
भाव तारिल भाक्ति करीना । उगाच हरि ! मज पाव. ॥कसा०॥१॥
माता पित्याशीं लाथा मारी । मेल्यावरि करि काव ॥कसा०॥२॥
थरथर कांपे शक्ति हरल्या । म्हणे, ‘देवा ! आतां धांव.’॥कसा०॥३॥
विठ्ठलनाथा सद्नुरुचरणी । दिधला अक्षय ठाव. ॥कसा०॥४॥


पद ७० वें.

कां रे ! भुललासी गंव्हार !  कां रे ! भुललासी ॥ध्रुवपद.॥
सर्व म्हणसि माझें माझें । कुटुंबासी वाहस्शी ओझें ।
अंतकाळी कोण तूझें । एकलाची जासी ॥कां रे०॥१॥
आलासि कोठुनी जासिल कोठे । आगम निगम पाहें वाट ।
काळ करिल आठवाठ । त्या काय जबाब देसी ॥कां रे०॥२॥
जन्मा येउन सार्थक करीं । सद्नुरुचे पाय घरीं ।
विठ्ठलनाथ भजन करी । बोध भाविकांसी  ॥कां रे०॥३॥