प्रात:कालीन औपासनहोमाविषयी विशेष

प्रात:काळीं सूर्योदयापूर्वी संध्यावंदन करून अग्नि प्रज्वलित केल्यावर आचमन प्राणायाम करावा. प्रातरौपासन “ होमंकरिष्ये ” असा संकल्प करून होमाचेवेळी पूर्वींप्रमाणेच “ चत्वारिश्रृंगा० ” या मंत्रानें अग्नीचे ध्यान करावे. नंतर परिसमूहन, परिस्तरण, पर्युक्षण, दर्भकोलित फ़िरवून, बर्हिवर समिधेसह होमद्रव्य ठेवून कुंडाचे सभोवती अष्ट दिशेस गंधाक्षतांनी पूजा वगैरे पूर्वीप्रमाणेच करून ती समिध ( इध्मा ) कांहीं न बोलता अग्नींत द्यावी. नंतर पूर्वीप्रमाणेच तांदुळाची आहुति “ ॐ सूर्यायस्वाहा, सूर्यायइदंनमम ” ॐ प्रजापतयेस्वाहा प्रजापतयइदंनमम म्हणून द्यावी. पुन: परिसमूहन पर्युक्षण करून पूर्वीप्रमाणेच उभे राहून उपस्थान करावे. त्यावेळी “ सूर्योनोदिव० ” “ उदुत्यंजात० ” “ चित्रंदेवाना० ” “ नमोमित्रस्य० ” “ प्रजापते० ” “ हिरण्यगर्भ० ” हे मंत्र म्हणावेत. नंतर प्रातर्होंमास विशेषेकरून “ ॐ चमेस्वरश्चमे० ” या मंत्रानें अग्नीची प्रार्थना करावी. पूर्वीप्रमाणेच कर्म ईश्वरार्पंण करावें.