कटिसूत्र बांधणे आणि भूमिवर बसविणे

पांचवे महिन्यांत शुभ दिवशीं मृग, हस्त, पुष्य, अश्विनी, ज्येष्ठा, तिन्ही उत्तरा, रोहिणी. या नक्षत्रावर पृथ्वी आणि वराह यांचे पूजन करून मुलास कटिसूत्र बांधून भूमीवर बसवावे.
पांचव्या महिन्यांत शुक्लपक्षी ज्योति:शास्त्रांत सांगितल्याप्रमाणें शुभ तिथि वगैरे असल्यावर पूर्वाण्हकाळीं स्वस्तिवाचन करून वराह अवताराला, पृथ्वीला, गुरूंना, देवांना, आणि ब्राह्मणांना पुजून जमिनीवर शेणानें सारवावें; त्यावर मंडल काढावें; व शंख वाद्य इत्यादि मंगलकारक ध्वनि करवून बालकाला जमिनीवर “ रक्षैनं० ” इत्यादि मंत्रांनी बसवावें. नंतर ब्राह्मणांचें पूजन करून त्यांच्याकडून आशीर्वाद घेऊन नीरांजनादि उत्सव करावा. असेंच कन्येचेहि करावें. असा हा उपवेशन विधि संपला.