स्थंडिलसंस्कार ( स्थालीपाकतंत्र पृष्ठ ३३ प्यारा १ पासून पृष्ठ ३६ प्यारा ५ पर्यंत ) करून अग्नि स्थापन करावा. नंतर ग्रहपीठावर वस्त्र घालून त्यावर गंधादिकानें मध्य कर्णिकेसहित अष्टदळ ( आठ पाकळ्यांचें कमळ ) काढून त्या पाकळींत पुढें सांगितलेल्या मंत्रांनीं ग्रहांचें स्थापन करावें. " प्रणवस्य० " तें " विनियोग: " येथपर्यंत म्हणावें.
ग्रहपीठाच्या मध्यभागीं वर्तुलाकृति मंडळ काढून रक्तपुष्पांक्षतांनीं " आकृष्णेन० " या मंत्रानें पूर्वमुख सूर्याचें आवाहन करावें. (१) नंतर आग्नेय दिशेस चतुष्कोणाकृति मंडळ काढून श्वेतपुष्पाक्षतांनीं पश्चिममुख चंद्राचें " आप्यायस्व० " या मंत्रानें आवाहन करावें. (२) दक्षिणदिशेस त्रिकोणाकृति मंडळावर रक्तपुष्पाक्षतांनीं दक्षिणमुख मंगळाचें " अग्निर्मूर्धा० " या मंत्रानें आवाहन करावें. (३) ईशान्य दिशेस बाणाकार मंडळावर पीतपुष्पाक्षतांनीं उत्तरमुख बुधाचें " उद्बुध्यध्वं० " या मंत्रानें आवाहन करावें. (४) उत्तरेस लांबट चौकोनी मंडळावर पीतपुष्पाक्षतांनीं उत्तरमुख बृहस्पतीचें " बृहस्पते० " या मंत्रानें आवाहन करावें. (५) पूर्वेस पंचकोणाकृति मंडळावरशुक्लपुष्पातांनीं पूर्वमुख शुक्राचें " शुक्र:शु० " या मंत्रानें आवाहन करावें. (६) पश्चिमेस धन्युष्याकृति मंडळावर कृष्णपुष्पाक्षतांनीं पश्चिममुख शनीचें " शमग्नि० " या मंत्रानें आवाहन करावें. (७) नैऋत्येस शूर्पाकृति मंडळावर कृष्णपुष्पाक्षतांनीं दक्षिणमुख राहूचें " कयानो० " या मंत्रानें आवाहन करावें. (८) वायव्येस ध्वजाकृति मंडळावर धूम्रपुष्पाक्षतांनी दक्षिणमुख केतूचें " केतुंकू० " या मंत्रानें आवाहन करावे. (९) या नवग्रहांचें आवाहन करण्यास सांगितल्याप्रमाणें फ़ुलें न मिळालीं आणि तितकें तांदूळ न मिळाल्यास यथाशक्ति जेवढें मिळतील तेवढ्या तांदुळांनीं व फ़ुलांनीं स्थापना करावी.
आतां अधिदेवता सांगतों -- " त्र्यंबकं० " या मंत्रानें सूर्याच्या उजव्या बाजूस रुद्राचें आवाहन करावें. (१) " गौरीर्मि० " या मंत्रानें चंद्राच्या दक्षिण बाजूस उमाचें आवाहन करावें. (२) " यदक्रंद० " या मंत्रानें मंगळाच्या दक्षिण बाजूस स्कंदाचें आवाहन करावें. (३) " विष्णोर्नु० " या मंत्रानें बुधाच्या दक्षिण बाजूस नारायणाचें आवाहन करावें. (४) " ब्रह्मज० " या मंत्रानें बृहस्पतीच्या दक्षिण बाजूस ब्रह्माचें आवाहन करावें. (५) " इंद्रंवो० " या मंत्रानें शुक्राच्या दक्षिणेस इंद्राचें आवाहन करावें. (६) " यमाय० " या मंत्रानें शनीच्या दक्षिणेस यमाचें आवाहन करावें. (७) " परंमृत्यो० " या मंत्रानें राहूच्या दक्षिणेस कालाचें आवाहन करावें. (८) " उषोवाजं० " या मंत्रानें केतुचे दक्षिणेस चित्रगुप्ताचें आवाहन करावें. (९)
नंतर " प्रत्यधिदेवतांचें स्थापन करावें. " अग्निंदूतं० " या मंत्रानें सूर्याचे डावेबाजूस अग्नीचें आवाहन करावें. (१) " अप्सुमे० " या मंत्रानें चंद्राचे उत्तरबाजूस आपांचें आवाहन करावें. (२) " स्योनापृ० " या मंत्रानें मंगळाच्या उत्तरेस भूमीचें आवाहन करावें. (३) " इदंविष्णु० " या मंत्रानें बुधाचे उत्तरेस विष्णूचें आवाहन करावें. (४) " इंद्रश्रेष्ठा० " या मंत्रानें बृहस्पतीचे डावेबाजूस इंद्राचें आवाहन करावें. (५) " इंद्राणीमा० " या मंत्रानें शुक्राच्या डावे बाजूस इंद्राणीचें आवाहन करावे. (६) " प्रजापते० " या मंत्राने शनीचे उत्तर बाजूस प्रजापतीचें आवाहन करावें. (७) " आयंगौ० " या मंत्रानें राहूचे उत्तरेस सर्पाचें आवाहन करावें. (८) " ब्रह्मणाते० " या मंत्रानें केतूच्या उत्तरबाजूस ब्रह्माचें आवाहन करावें.(९)
नंतर दक्षिणेकडून उत्तरेकडे अशा क्रमानें गणपति, दुर्गा, वायु, आकाश, अश्विनौ, क्षेत्र्पाल, वास्तोष्पति यांचे " गणानांत्वा० " (१) जातवेदसे०, (२) तववाय०, (३) आदित्प्रत्न०, (४)एषोउषा०, (५) क्षेत्रस्य०, (६) वास्तोष्पते०, (७) या मंत्रांनीं आवाहन करावें.
नंतर पूर्वादि अष्टदिशेस क्रमानें इंद्र, अग्नि, यम, निरृति वरुण, वायु, सोम, ईशान या अष्ट दिक्पाळांचें " इंद्रंवि०. (१)अग्निंदूतं०, (२) यमाय०, (३)मोषुण:०, (४) तत्वायामि०, (५) तववाय०, (६) सोमोधेनुं०, (७) तमेशानं० " (८) या मंत्रांनीं आवाहन करावें.
" तदस्तुमित्रा० गृहावै० " या मंत्रांनीं स्थापना करून त्या त्या मंत्रांनीं अथवा आदित्यायनम: इत्यादि नाममंत्रांनीं षोडशोपचार पूजा करावी.
नंतर ग्रहपीठाच्या ईशान्यबाजूस पुण्याहवाचनांत सांगितल्याप्रमाणें पृष्ठ ८ ओळ २० " महीद्यौ:० " येथपासून पृष्ठ १० वरुणपूजेपर्यंत म्हणून एकच कलश स्थापन करावा. त्या कलशाचें ठिकाणीं समुद्रनद्यांचें " सर्वेसमुद्रा:० " या श्लोकांनीं आवाहन करावे. " कलशस्यमुखे० " या मंत्रानें कलशाभिमंत्रण करावे. " देवदानव० " येथून " सर्वदा" येथपर्यंत म्हणून कलशाची प्रार्थना करावी.
नंतर आचार्यानें अन्वाधान करावें तें स्थालीपाक पृष्ठ ३७ प्यारा ६ प्रधानं, पर्यंत म्हणून प्रधानदेवतेचा उच्चार करावा तो - सूर्यादि नऊ ग्रह ह्या प्रधानदेवता आहेत, त्यांच्या उद्देशानें एकशेआठ अथवा अठ्ठावीस अर्कादि नऊ जातीच्या समिधांनीं व तितक्याच चरूच्या आणि तूपाच्या आहुतींनीं त्याप्रमाणेंच ईश्वर इत्यादि नऊ अधिदेंवता व अग्नि इत्यादि नऊ प्रधानदेवता त्यांच्या उद्देशानें अठ्ठावीस आहुतींनीं समिधांच्या आहुतींनी व तुपाच्या आहुतींनीं आणि चरुच्या आहुतींनीं होम करितों. *असा प्रधानदेवतेचा उच्चार केल्यावर पुन: स्थालीपाक पृष्ठ ३७ प्यारा ७ येथून आरंभ करून पृष्ठ ४१ प्यारा १२ पर्यंत करावा.
नंतर चरुश्रपणासाठीं ( होमाचा भात स्थंडिलावर शिजविण्यासाठी ) निर्वपण ( तांदूळ घेणें ) प्रत्येक ग्रहाच्या नांवाचा उच्चार चतुर्थी विभक्तियुक्त करून अर्थात् प्रत्येक ग्रहासाठीं चार चार मुठी तांदूळ घ्यावेत. स्थालीपाकांत त्याचा उच्चार करण्याची पद्धत श्चतुरश्चतुरोमुष्टीन्निर्वपतिअमुष्मै ( या शब्दाचें ठायीं " सूर्याय, सोमाय, मंगलाय इत्यादि ग्रहनामें उच्चारून ) " त्वाजुष्टंनिर्वपामि " याप्रमाणें चरु करावेत.
किंवा घरांत केलेला चरु ( भात ) घ्यावा. नंतर स्थालीपाक तंत्र पृष्ठ ४३ प्यारा १६ तत: पासून पृष्ठ ४६ प्यारा २३ येथपर्यंत करावें. त्यांतच सांगितल्याप्रमाणें आज्यसंस्काराबरोबरच गृहसिद्धान्न चरुचा संस्कार करून नवग्रहांच्या नऊ प्रकारच्या समिधा घ्याव्यात. नंतर यजमानानें अन्वाधानांत सांगितलेल्या संख्येचे अर्कादि समिधा, चरु व आज्य हें हविस्त्रय सूर्याकरितां, चंद्राकरितां आहे माझें नाहीं. याप्रमाणें नवग्रहांच्या व त्यांच्या अंगदेवतेच्या नावाचा उच्चार करून नवग्रहांच्या आहुतीचा व तदंगदेवतेच्या आहुतींचा त्याग करावा. याप्रमाणें त्याग केल्यावर ऋत्विज व आचार्य यांसह दहिमधानें भरविलेल्या अर्कादि समिधा. चरु व तूप या हविर्द्रव्यांनीं आवाहनांत सांगितलेल्या नवग्रहांच्या नऊ मंत्रांनीं व त्या त्या देवतेच्या मंत्रांनीं अग्वाधान संकल्पांत सांगितलेल्या संख्येइतक्या आहुति द्याव्यात. नंतर स्थलीपाकतंत्र पृष्ठ ४९ प्यारा २८ पासून प्यारा२९ पर्यंत करावें.
यजमानाकडून दिक्पालादिकांस सदीप - माषभक्त - बलीचा संकल्प करवावा.