खण्डः ३ - अध्यायः २१२

वज्र उवाच॥
भगवन्कर्मणा केन भोगानाप्नोति मानवः॥
किन्नु भोगविहीनस्य कार्यमस्ति धनैर्द्विज ॥१॥
मार्कण्डेय उवाच॥
ज्येष्ठायां समतीतायां प्रतिपत्प्रभृति क्रमात्॥
पूर्ववत्पूजयेद्देवं विश्वरूपधरं हरिम् ॥२॥
कृत्वा व्रतान्ते च तथा त्रिरात्रं दत्त्वा सुयुक्तं शयनं द्विजाय॥
स्वर्लोकमासाद्य चिरं तथोष्य मानुष्यमासाद्य च भोगवान्स्यात् ॥३॥
इति श्रीविष्णुधर्मोत्तरे तृ०ख० मार्कण्डेयवज्रसंवादे भोगावाप्तिव्रतवणर्नो नाम द्वादशोत्तरद्विशततमोऽध्यायः ॥२१२॥