अहो याहो तिळगुळ घ्याहो आवडिने आलिंगन द्याहो ॥ध्रु०॥
वर्षाची सण संक्रत । आहे स्वस्थ समय एकांत ॥
आज संनिध नाहित कांत । मग काहो उभे द्वारात ॥
हात धरता नये लोकांत । करी मदन पाहुन आकांत ॥चाल॥
प्रियवंता रसिक रसेल्या । मजपासी गोष्टि अशेल्या ॥
विषयाच्या सबळवशील्या ॥चाल॥
समजल्या खुब्या तुमच्या हो ॥१॥
उलटुन का जावे घरास ।
पहा नेत्र भरुन उरास ॥
व्हावे सन्मुख समरी शूरास ।
घ्यावे सुरत द्युतांत वीरास ॥
केली निर्मळ महाली आरास ।
खपवुन चतुर फरास ॥चाल॥
भवताले घोस जरीचे ।
सारे पडदे एक बरीचे ॥
तुम्ही केवळ लाल हरीचे ॥चाल॥
प्रीतिने मुखामृत द्याहो ॥२॥
जाती मजला कितीक दिपुनी ।
झेलिती हुकुम टपुनी ॥
कशी तुमच्या कामी खपुनी ।
झिजविते शरीर जपुनी ॥
घरी येते लपुनी छपुनी ।
नाही न्यून पडत मजपुनी ॥चाल॥
आपल्यामध्ये कपट नसावे ।
सुखरूप दोघांनी असावे ॥
यावे जावे घेउन बसावे ॥चाल॥
हवी तेव्हा पलंगी न्याहो ॥३॥
फुल भोगा नूतन नवाळे ।
मऊ माशुक मधुर मवाळे ॥
शरीर केवळ जिचेचवाले ।
आहे उंच वसन रिझलेले ॥
पहा ह्रदय करुन कनवाळे ।
काय निघते यात दिवाळे ॥चाल॥
गंगु हैबती साथी जिवाचे ।
ज्या मानिती पुरे दैवाचे ॥
गुरु वंदित महादेवाचे ॥चाल॥
करी चाली प्रभाकर ह्याहो ॥४॥