भोग ज्वानी कवळी ।
आली हो वर्षाची दिवाळी ॥धृ०॥
करुन श्रृंगार उभी मी नटून ॥
द्या हो आदराने आलिंगन उठून ॥
नका दूर धरू सख्या मर्सी विटून ॥चाल॥
या हो जवळी ॥१॥
दिवाळी सण मंगलदायक ॥ सुगंध न्हाती नारी नायक ॥
घरोघर खेळती गाती गायक ॥चाल॥
राग सकळी ॥२॥
मुख्य आज मुहुर्त भर पाडवा ॥ म्हणुन हात घेउन मधी आडवा ॥
केव्हांची हो करते लाड गोडवा ॥चाल॥
वदन कमळी ॥३॥
चरणी लागते करुणासागरा ॥
पहा पहा उदार गुण आगरा ॥
आता आड शीतळ मैलागरा ॥चाल॥
सोड सगळी ॥४॥
गंगु हैबती सबल धिरवान ॥
महादेव गुणिराज गुणवान ॥
प्रभाकर कवीवर मेहेरबान ॥चाल॥ कृपा आगळी ॥५॥