‘ आनंदघनराम ’ मंत्रार्या

आहेपणें सदोदित  आद्य समस्तांसि सर्व व्यवहारीं ॥ आपण मीपण विरहित  आधार अखंड राम निर्धारीं ॥१॥
नंदन अजात्मजाचा  नंदिपतिप्रिय अपार सुखमय जो ॥ नंदवि निजभक्त स्वा -  नंदानुभवेंचि मन तयास भजों ॥२॥
दर्शन सुखमय दे जो  दरिद्र दुःखादि परिहरुनि सकल ॥ दमन करुनि शत्रूंचें  दयाळु भक्ता न होउं दे विकळ ॥३॥
घर दारा सुत न प्रिय  घडि पळ मनिं एक आवडी राम ॥ घसरत न कधिं तयातें  घनदाट सुखींच मिळवि सुखधाम ॥४॥
नवविधभक्तिपथें नव  नव हर्षद आत्मभजनशीलाला ॥ न असा दीन दयाळू  नरवरसुरवंश दावि लीलांला ॥५॥
राजाधिराज सीता  राघव माझा स्वभक्त अभिमानी ॥ राकाधिपप्रतिममुख  रावण वधि जो सुरांसि अवमानी ॥६॥
मजवरि करूनि करुणा  मन माझें स्वस्वरूपिं रमवि सदा ॥ मत्प्रिय आणिक न दुजा  मन्मतिला विषयिं जाउं दे न कदा ॥७॥
आनंदघना रामा  कृष्ण जगन्नाथ विष्णुगुरु दास ॥ आठवि निज नामातें जाणुनि भक्ताश्रयात्म बिरुदास ॥८॥