श्रीदत्त भजन गाथा - विनायकाचा अनुभव

निघताती गुरु घेवोनी सांगाती । आम्हां शिष्यांप्रति निजकार्या ॥१॥
आपुलिया कार्यी आम्हांसी योजाया । निज सांप्रदाया वाढवाया ॥२॥
भजनमार्गाते प्रसृत कराया । निज वाढवया उपासना ॥३॥
आम्हांसवे घेती निज परिवार । आमुचा बडिवार॥ कार्यासाठी ॥४॥
आमुच्या देहांत नित्य त्यांची वसती । सकळ करविती निजकार्या ॥५॥
जेथे गुरु तेथे आहे कल्पतरु । लक्ष्मी साक्षात्कारु वसे तेथे ॥६॥
तेथे आनुकूल्य समृद्धि साकार । प्रसादाचे बळ थोर तेथे ॥७॥
आम्हां नित्य वास गुरुपदापाशी । तेणे स्वानुभवासी बोलतसो ॥८॥
विनायक म्हणे आम्ही गुरुमय । तेणे आम्हां श्रेष्ठ्य जगी असे ॥९॥