श्रीदत्त भजन गाथा - बालस्वरुप वर्णन

क्रीडा करण्यासी प्रगट दत्तदेव । धरोनियां भाव सुकुमार ॥१॥
नाचती खेळती हांसती आम्हांसवे । वर्तती बाळभावे आम्हांपाशी ॥२॥
बाळस्वरुप हे येथील द्त्ताचे । अधिष्ठान साचे बाळरुप ।
भजन करणे पूजन करणे । आनंदे नाचणे प्रेमभरे ॥४॥
कीर्तन करणे यश विस्तारणे । डुलत राहणे आम्हांपाशी ॥५॥
मधुर हांसणे मधुर पाहाणे । मधुर ते गाणे यश सदा ॥६॥
मधुर बोलणे माधुरी ओतणे । मधुर करणे सर्व कांही ॥७॥
ऐसा आहे हेतु श्रीगुरुदत्ताचा । तोच सिद्ध साचा होणार की ॥८॥
बाळस्वरुप या स्थानी मूर्तिमंत । राहत क्रीडत निजानंदे ॥९॥
विनायकाठायी करी बाळलीला । दत्तघन सांवळा अलौकिक ॥१०॥