संगीत वाहतो ही दुर्वांची जुडी

१
निघालें आज तिकडच्या घरीं ।
एकदांच मज कुशींत घेई

पुसुनिं लोचनें आई,
तुझी लाडकी लेक आपुले
घरकुल सोडूनि जाई !
तव मायेचा स्पर्श मागते अनंत जन्मांतरी ॥१॥ निघालें आज०

पडतें पाया तुमच्या बाबा
काय मागणें मागूं
तुम्हीच मज आधार केवढा
कसे कुणाला सांगू !
या छत्राच्या छायेखालून सात पावली करी ॥२॥

येते भाउ विसर आजवर
जें काहीं बोललें,
नव्हती आई तरिही थोडी
रागावुन वागलें !
थकलें अपुले बाबा आतां एकच चिंता उरीं ॥३॥