संगीत लग्नाची बेडी

१
ती पाहताच बाला । कलिजा खलास झाला
छातीत इष्क भाला, की आरपार गेला ।
स्वर्गातल्या पर्‍यांना की वस्त्रगाळ करुनी ।
कमनीय देह विधिने, रचिला तिच छबेला ।
लावण्य काय सारे, उकळोनि वा पिळोनी
त्या मस्त अत्तराचा, भरला गमेची बुधला
डौलांत चालता जी, हत्ती वनांत झुरती
रस्त्यांत गुंड जमती, तिज अन्‌ पहावयाला ।

२
चकोरा, मीच तव चंद्रिका
धरितोस मग का, बोल कुशंका ?
नाच पाखरा मिजासखोरा !
पसरुनि तुझा पिसारा !
भुलवि जिवाला नाजुक नखरा !
होय तुझ्याविण जीव घाबरा !
टोचति या मनि विरहशलाका !

३
प्रिय न कवणि तुजसमान !
अससी ना तूच प्राण !
प्रणयगंध करित धुंद !
भुलवित या जीवाला !
तूच दिव्य बाला !

४
भाग्यसूर्य नाशुनि तिमिरा ।
गमत उदयाला आला ।
सकल कामना सफला !
मनिच्या या होतिं पूर्ण ।
भ्रमनिरास झाला !