संगीत पाणिग्रहण

(११-१०-१९४८)

१
उगवला चंद्र पुनवेचा
मम ह्रदयी दरिया । उसळला प्रीतिचा ॥
दाहि दिशा कशा खुलल्या
वनीं वनीं कुमुदिनी फुलल्या
नववधू अधिर मनीं जाहल्या
प्रणयरस हा चहूंकडे वितळला स्वर्गिचा ॥

२
प्रिती सुरी । दुधारी !
निशिदिनि सलते जिव्हारी !
सुखवी जिवास भारी !
मधुर सुखाच्या यातना,
व्याकुळ करिती सतत मनाला !
अमृताहुनी विषारी !

३
कळा या लागल्या जीवा, मला की ईश्वरा ठाव्या !
कुणाला काय हो त्याचे ? कुणाला काय सांगाव्या ?
उरी या हात ठेवोनी उरीच्या शूल का जाई ?
समुद्री चहुकडे पाणी, पिण्याला थेंबही नाही ?
कशी साहू पुढ मागे जिवाला ओढ लागे,
तरातर काळजाचे हे तुटावा लागती धागे !