संगीत देव दीनाघरी धावला

१
ऋणानुबंधाच्या जिथून पडल्या गांठी ।
भेटीत रुष्टता मोठी ॥

त्या कातरवेळा थरथरती कधीं अधरीं ।
त्या तिन्हीसांजा त्या आठवणी त्या प्रहरी ॥
कितिदां आलों-
जमलों-

रुसण्यावांचुनि परस्परांच्या कधी न घडल्या गोष्टी ।
भेटीत रुष्टता मोठी ॥

कधीं तिनें मनोरम रुसणें । रुसण्यांत उगीच ते हंसणें ॥
म्हणून तें मनोहर रुसणें । हसणे रुसणें-रुसणें हसणें ॥
हंसण्यावरती रुसण्यासाठी । जन्मजन्मींच्या गांठी ॥
भेटीत रुष्टता मोठी ॥

कधी जवळ सुखाने बसलों ।
दु:खांत सुखाला हंसलों । कधीं गहिंवरलों-
कधीं धुसफुसलों-सागरतीरीं आठवणींनी-

वाळूंत मारल्या रेघा । जन्मासाठीं जन्म जन्मलों ।
जन्मांत जन्मली न गट्टी । भेटींत रुष्टता मोठी ॥