संगीत देहूरोड

(१९४०)

१
सखि भावगीत माझे तुजसाठीं गायिले
तू नाहिं ऐकियेले ।
ह्रदयांत वेदनांची सरिता अखंड वाहे
तीरीं तिच्या बसोनी तुजसाठिं गुंफियेले
तू नाहि ऐकियेले ।
सौंदर्य तारकांचे नव तेज चंद्रिकेचे
उकलोनि मृदुकरांनी तुजसाठिं दावियेले
तू नाहि पाहियेले ।
गेले सखे विरोनी ते गीत अंतराळी
परि त्याचिया स्मृतीने होतात नेत्र ओले
तू नाहि पाहियेले ।
गेले सखे विरोनी ते गीत अंतराळी
परि त्याचिया स्मृतीने होतात नेत्र ओले
तू नाहि पाहियेले ॥

२
गातो नाचतो आनंदे
वेडा झालो मी तव छंदे
गाई ओविया पंढरिचा देव
आमुचा तो जीव पांडुरंग
आतां दृष्टीपुढें ऐसा ऐसाचि तू राहे
जो मी तुज पाहे पांडुरंग ॥
तुका म्हणे माझा सखा पांडुरंग
गाऊं गाऊं गोड हरिचे गीत ॥