संगीत भक्त दामाजी

(१५-११-१९६८). संगीत : गोविंदराव अग्नि

१
कोपलास कां दया सागरा । का झाला अन्यायीं
रडवितोस कां तुझ्या लेकुरा, जगती ठायीं ठायीं
का तव माया ममता सरली
कृपा तुझी का ओसरली ?
म्हणूनच का रे दैव कसाई काळिज तोडुन खाई

२
उधळित प्रलयाचा अंगार
तयाला कोण रोखु शकणार !
सुखवायाते सूड भावना
करावयाते रिपु-बल-हनना !
गहन कानना चेतवून मी
होम आज करणार !

३
“ओम्‌ नमो भगवते वासुदेवाय ते”
मंत्र जपतांचि हा दुरित तम भंगते
जेथ ना हीनता, मलिनता ना जिथें
दिव्य लोकी अशा अढळ पद लाभतें ।