गज्जलाञ्जलि - तुजवीण सखे, मज कोणि नसे, ...

तुजवीण सखे, मज कोणि नसे,
प्रतिमाहि तुझीच ह्रदीं विलसे,

मी करीं पूजा तियेची भावपुष्पें वाहुनी,
आणि पुष्पें कोणतीं पूजेस अञ्ची याहुनी ?

परि ती न कधीच बघे हसुनी
भिजवी न कधी मन शान्तिरसें.

सारखा ऊसा अबोला भीववी भक्तास या,
केवि वारावें कळेना व्यापणार्‍या संशया;

कर तूच दया, हस, वार भया.
बघ खोल हिमीं जिव केवि फसे,

बोल तूझा येऊं दे वासन्त वायूसारखा,
आणि आशेची  ऊषा ती फाकुं दे, अन्धार कां ?

प्रणयास वसन्तच रम्य सखा,
मग रङगुनि विश्व कसें विकसे !

मे १९३३