गज्जलाञ्जलि - विद्युल्लतेप्रमाणे हासूनि...

विद्युल्लतेप्रमाणे हासूनि साजणी,
अन्धार गर्दवूनी जाशी पुन्हा झणी.

रस्ता पुढे दिसेना अन्दाज होऊना,
हा जीव पाठलागीं मी लाविला पणीं.

मागे न येऊनीही जाणार मी कुठे ?
खेचूनि ने, न सोडी तूझी भुलावणी.

ठेचाळातां कुठूनी  जाऊंच मी पुढे.
रात्रीहि पापणीला लागे न पापणी.

घेऊं कुठे विसावा ? रस्ता अनन्त हा,
थाम्बूं तरी कसा मी ? अक्षय्य लागणी !

अशी लपालपी तू खेळूं नको गडे.
राहीं ध्रुवापरी तू - ही ऐक मागणी.

१० मे १९२१