गज्जलाञ्जलि - मी तुझ्यावरी कवनें गाऊलीं...

मी तुझ्यावरी कवनें गाऊलीं किती रचुनी,
त्यांतलें रहस्य कसें ना कळे तुला अजुनी ?

काव्यरीति तू स्तविशी, गूणदोष दाखविशी,
ठेविशी परी कविशी वृत्ति हाय काय सुनी !

रम्य चारु रूप तुझें ऐक सौख्य दे, न दुजें;
शान्तवी तृषा न परी जेवि अम्बरस्थ धुनी.

तारकाच तू गमशी वा सुधांशुसिन्धु शशी,
मी मनुष्य, तार मशी, मी न देव, मी न मुनी.

गाऊलीं किती कवनें, लोटलीं किती अपनें.
नीट ही पहा अजुनी प्रीति खोल सन्थ जुनी.