गज्जलाञ्जलि - गमे स्वामि, संसार सारा तु...

गमे स्वामि, संसार सारा
तुझ्यावीण मिथ्या पसारा.

असो बाग काश्मीरची ही,
तुझ्यावीण वाटे सहारा.

पडो फूल अङगीं जुऊचें.
करी दंश जेवी निखारा.

वियोगीं प्रतीक्षेवरी मी
किती चालवूं रे गुजारा ?

वृथा पाहुं दारीं कितीदा ?
किती घालुं या येरझारा ?

तुला काय साङगूं मुखाने ?
पुरे का न तूते ऐशारा ?

स्फुरे प्रीतिचें गीत चित्तीं,
कुठे तू परी ऐकणारा ?

ऊडे जीव हा प्रेमवातें
जणू की घ्वजाचा फरारा !

३० ऑक्टोबर १९२२