डोहाळे व पाळणे

१.
नऊ महिन्यांचा पाळणा :
पहिल्या माशीं आई पुशीती । लेकीबाईच डोहाळ कस? ।
आमच डोहाळ पुरवीजी आई । ओल्या न्हाणीवर लावावी
जाई । जु बाळा जु बाळा जुजुरे ।
दुसर्‍या माशीं बाप पुशीतो । लेकीबाईच डोहाळ कस ?
आमच डोहाळ पुरवीजी बापा । ओल्या न्हाणीवर लावावा
चाफा । जु बाळा ...............
तिसर्‍या मशीं बहिण पुसते । बहीण तुमच डोहाळ कस ?
आमच डोहाळ पुरवीजी बहिणी । सोडावा बुचडा घालावं
पाणी । जु बाळा ............
चवथ्या माशीं भाऊजी पुशी । बहिणी तुमच डोहाळ कस?
आमच डोहाळ पुरबीजी भावा । बाजारीं जाऊन आणावा
भेवा । जु बाळा ............
पांचव्या माशीं सासरा पुशी । सून तुमच डोहाळ कस ?
आमच डोहाळ पुरवीजी सासर्‍या । मळयाला जाऊन
आणाव्या उसर्‍या । जु बाळा........
सहाव्या माशीं सासू पुशीते । सूनबाईच डोहाळ कस ?
आमच डोहाळ पुरवीजी सासू । मळ्याला जाऊन आणावा
 उसू । जु बाळा ...........
सातव्या माशीं नणंद पुशी । वहिनी तुमच डोहाळ कस ?
आमच डोहाळ पुरवीजी वइन्स । मळ्याला जाऊनी आणावीं
कणसं । जु बाळा ........
आठव्या माशीं दीर पुशीतो । वहिनी तुमच डोहाळ कस ?
आमच डोहाळ पुरवीची दीरा । पाडाबी न्हाणी बांधावा चिरा । जु बाळा..........
नवव्या माशीं कंथजी पुशी । राणी तुमच डोहाळ  कस ?
आमच डोहाळ पुरवीजी कंथा । झालाया पुत्र हरली  चिता । जु बाळा .........

२.
सासुजी पुशी सासुजी पुशी । सून तुमच डोहाळ कस ?
आमच डोहाळ पुरवीजी सासू । खंदावी न्हाणी बांधावा कुसु । जु जु रे जुजु ।
सासरा पुशी सासरा पुशी ।  सून तुमचे डोहाळ कस ?
आमच डोहाळ पुरवीजी सासर्‍या । खंदावी न्हाणी बांधावी ओसरी । जु जु........
दीर जी पुशी दीर जी पुशी । वहिनी तुमच डोहाळ कस?
आमच डोहाळ पुरवीजी दीरा । खंदावी न्हाणी बांधावा तुरा । जु जु .........
जाऊ जी पुशी जाऊ जी पुशी । बाई तुमच डोहाळ कस ?
आमच डोहाळ पुरवीजी जाऊ । सरा बिंदल्या घेउनी जाउं । जु जु .........
भ्रतार पुस भ्रतार पुस । राणी तुमच डोहाळ कस ?
आमच डोहाळ पुरवीजी भ्रतारा । खंदावी न्हाणी बांधवा वाफा । जु जु ......

३.
पहिल्या मासीं उभीं मी इंद्रवणीं । डाव्या कुशीला चक्रपाणी । जू जू जू जू ....
दुसर्‍या मासीं उभीं अंगणांत ।डाव्या कुशीला रघुनाथ । जू जू जू जू जू ....
तिसर्‍या मासीं वरणाचा येतो वास । माझ्या मैनाला गेला दिवस । जू जू जू जू जू ....
चवथ्या मासीं हिच्या तोंडावर लाली । कुण्या महिन्यामधीं नहाली ? जू जू जू जू जू ....
पांचव्या मासीं हिची नीरी दिसं उंच । हिचा भरतार एकांती पुस । जू जू जू जू जू ....
सहाव्या मासीं सहादू चोळ्या लेऊं । अंजीरबागमधीं जाऊं । जू जू जू जू जू ....
सातव्या मासीं मनसा झाली डाळिंबाची । चोळी शिवा रेशमाची । जू जू जू जू जू ....
आठव्या मासीं हिच्या आईला मूळ कुणी धाडा । तिला मेण्यांत बसधुनी आणा । जू जू जू जू जू ....
नवव्या मासीं सुईणीला धरा हातीं । मैना परसुत झाली रात्रीं । जू जू जू जू जू ....
दहाव्या मासीं तिकडून आला वाणी । त्यांनी लुडिली बत्तीस गोणी । जू जू जू जू जू ....
आकराव्या मासीं तिकडून आला कासार । तिच्या चुड्याला दिला इसार । जू जू जू जू जू ....
बाराव्या मासीं तिकडून आला शिंपी । तिच्या मखराला जाळी गुफी । जू जू जू जू जू ....
तेराव्या मासीं तिकडून आला माळी । हिच्या मखराला केळी । जू जू जू जू जू ....