लोकगीत - गीत एकेचाळीसावे

गावाखालती बारव । तिथं सया पाणी भरिती ।
गरगर घागर चक्री चुंबळ । हात वागिती पाणी भरिती ।
घागर बुडाली चुंबळ तरंगली । नगरमाशान  दे माझी घागर ।
सासरा माझा वगर । ते मला मारल ।
सासर्‍याचा उंबरा । कधीं मला सुटल ।
बाप माझा विठ्ठल । कधीं मला भेटल ।
गांवा खालती बारव । तिथं सया पाणी भरिती ।
गरगर बुडाली चक्री चुंबळ । हात वारिती पाणी भरिती ।
घागर बुडाली चुंबळ तरंगली । नगरमाशान दे माझी घागर ।
सासू माझी वगर । ती मला मारल।
सासूचा उंबरा । कधी मला सुटल ।
आई माझी रुकमीण । कधीं मला भेटल ।