लोकगीत - गीत सोळावे

गोविंदा गेला गाई चराया । राई गेली गौर्‍या वेचाया ।
राईनी गौर्‍या वेचिल्या । राईनी तिरड्या रचील्या ।
राई - "अर अर गोविंदा देवा । तिरडा उचलूं लागावा ।"
गोविंदा धावत पळत । आला राईच्या जवळीं ।
तिरडा उचलुन दिला । मोवरी पावा विसरला ।
गोविंदा रडत फुंदत । गेला बापाच्या जवळीं ।
गोविंदा - " आवो आवो माझ्या बापा । माझा बापची व्हाल ।
राईच्या वाड्याला जाल । मोवरी पावा घेउनी याल।"
बाप तेथून निघाला । गेला राईच्या वाडयालाअ ।
बाप - "अग अग राई बाई । दे गोविंदाचा मोवरी पावा ।"
राई - "तुम्ही कशाला आला मामजी ? ज्याचा त्याला धाडून द्यावा ।
मोवरी पावा घेऊन जावा ।
गोविंदा रडत फुंदत । गेला आईच्या जवळी ।
गोविंदा रडत फुंदत । गेला राईच्या वाड्याला ।
उभा अंगणीं राहिला । गोविंदा बोलतो राईला ।
गोविंदा - " दे माझा मोवरी पावा ।"
राई - एवढं अंगण चढेल तवा । मग मी देईन मोवरी पावा ।"
गोविंदा - " एवढं अंगण चढलों ग राई ।  दे माझा मोवरी पावा ।"
राई - "एक पायरी चढेल तवा । मग मी देईन मोवरी पावा ।"
गोविंदा - " एक पायरी चढलों ग राई । दे माझा मोवरी पावा ।"
राई - " एवढी अंधूळ कराल तवा । मग मी देईन मोवरी पावा ।"
गोविंदा - " एवढी आंघोळ केली राई । दे माझा मोवरी पावा ।"
राई - " केशरी गंध ल्याल  तवा । मग मी देईनमोवरी पावा ।"
गोविंदा - "केशरी गंध ल्यालो ग राई । दे माझा मोवरी पावा ।"
राई - " एवढं जेवण जेवाल तवा । मग मी देईन मोवरी पावा ।"
गोविंदा - "एवढं जेवण जेवलों ग राई । दे माझा मोवरी पावा ।"
राई - " एवढा विडा खाल तवा । मग मी देईन मोवरी पावा ।"
गोविंदा - " एवढा विडा खाल्ला ग राई । दे माझामोवरी पावा ।"
राई - " एवढा पलग चढाल तवा । मग मी देईन मोवरी पावा ।"
गोविंदा - " एवढा पलंग चढलो ग राई । दे माझा मोवरी पावा ।"