षष्ठीदेवी स्तोत्रम् - नमो देव्यै महादेव्यै सिद्...

नमो देव्यै महादेव्यै सिद्ध्यै शान्त्यै नमो नमः ।
शुभायै देवसेनायै षष्ठीदेव्यै नमो नमः ॥१॥
वरदायै पुत्रदायै धनदायै नमो नम: ।
सुखदायै मोक्षदायै षष्ठीदेव्यै नमो नमः ॥२॥
शक्तेः षष्ठांशरूपायै सिद्धायै च नमो नम ।
मायायै सिद्धयोगिन्यै षष्ठीदेव्यै नमो नमः ॥३॥
पारायै पारदायै च षष्ठीदेव्यै नमो नमः ।
सारायै सारदायै च पारायै सर्वकर्मणाम् ॥४॥
बालाधिष्ठातृदेव्यै च षष्ठीदेव्यै नमो नमः ।
कल्याणदायै कल्याण्यै फलदायै च कर्मणाम् ॥५॥
प्रत्यक्षायै च भक्तानां षष्ठीदेव्यै नमो नमः ।
पूज्यायै स्कन्दकान्तायै सर्वेषां सर्वकर्मसु ॥६॥
देवरक्षणकारिण्यै षष्ठीदेव्यै नमो नमः ।
शुद्धसत्त्वस्वरूपायै वन्दितायै नृणां सदा ॥७॥
हिंसाक्रोधवर्जितायै षष्ठीदेव्यै नमो नमः ।
धनं देहि प्रियं देहि पुत्रं देहि सुरेश्वरि ॥८॥
धर्मं देहि यशो देहि षष्ठीदेव्यै नमो नमः ।
भूमिं देहि प्रजां देहि देहि विद्यां सुपूजिते ॥९॥
कल्याणं च जयं देहि षष्ठीदेव्यै नमो नमः ॥१०॥