श्रीगदाधरस्तोत्रम् - घनचेतनमक्रियमादिमजं चिर-न...

घनचेतनमक्रियमादिमजं चिर-निश्चल-निष्कल-निर्विरुजम् ।
सुखसद्म-विशुद्ध-विबुद्धवरं प्रणमामि गदाधर-ब्रह्मपरम् ॥१॥
शत-शौरि-मुरारि-तरङ्गयुतं  अयुतायुत-भास्कर-कुक्षिधृतम्
सुविशाल-समुद्र-सुदभ्रकरं प्रणमामि गदाधर-ब्रह्मपरम् ॥२॥
क्षुदिराम-विराम-विलासकरं छलजृम्भितकारणकार्यबलम् ।
जितकाञ्चनकाम-प्रपञ्चहरं प्रणमामि गदाधर-ब्रह्मपरम् ॥३॥
युगधर्मप्रवर्तक-गुप्तनरं जनपावन-गाङ्ग्यतटावसथम् ।
शिशुसौम्यमगम्य-प्रणम्यवरं प्रणमामि गदाधर-ब्रह्मपरम् ॥४॥
शिव-केशव-वासव-सङ्गयुतं अवतारगरिष्ठमरिष्टहृतम् ।
अघमोचन-दुष्कृतमुक्तिकरं प्रणमामि गदाधर-ब्रह्मपरम् ॥५॥
करुणाघन-कर्मकठोर-पणं गुणहीनमपापमशेषगुणम् ।
युगचक्रविवर्तक-तर्कहरं प्रणमामि गदाधर-ब्रयह्मपरम् ॥६॥
शुभबेलुडमन्दिरसन्निहितं निज शिष्य-प्रशिष्य-विशेषतरम् ।
शिवमोक्षधनेश्वरमादिगुरुं प्रणमामि गदाधर-ब्रह्मपरम् ॥७॥
सुगभीर-समाधि-समुद्रगतं कृतभक्तिविकासन-विश्वहितम् ।
तव नाम शुभं भवतापहरं प्रणमामि गदाधर-ब्रह्मपरम् ॥८॥