ऋणविमोचननृसिंहस्तोत्रम् - देवताकार्यसिद्ध्यर्थं सभा...

देवी देवतांची स्तुती करताना म्हणावयाच्या रचना म्हणजेच स्तोत्रे. स्तोत्रे स्तुतीपर असल्याने, त्यांना कोणतेही वैदिक नियम नाहीत. स्तोत्रांचे पठण केल्याने इच्छित फल प्राप्त होते.
In Hinduism, a Stotra is a hymn of praise, that praise aspects of Devi and Devtas. Stotras are invariably uttered aloud and consist of chanting verses conveying the glory and attributes of God.

ऋणविमोचननृसिंहस्तोत्रम्
Translation - भाषांतर

देवताकार्यसिद्ध्यर्थं सभास्तंभसमुद्भवम् ।
श्रीनृसिंहं महावीरं नमामि ऋणमुक्तये ॥१॥

लक्ष्म्यालिङ्गितवामाङ्गं भक्तानां वरदायकम् ।
श्रीनृसिंहं महावीरं नमामि ऋणमुक्तये ॥२॥

आन्त्रमालाधरं शङ्खचक्राब्जायुधधारिणम् ।
श्रीनृसिंहं महावीरं नमामि ऋणमुक्तये ॥३॥

स्मरणात्सर्वपापघ्नं कद्रूजविषनाशनम् ।
श्रीनृसिंहं महावीरं नमामि ऋणमुक्तये ॥४॥

सिंहनादेन महता दिग्दन्तिभयनाशनम् ।
श्रीनृसिंहं महावीरं नमामि ऋणमुक्तये ॥५॥

प्रह्लादवरदं श्रीशं दैत्येश्वरविदारिणम् ।
श्रीनृसिंहं महावीरं नमामि ऋणमुक्तये ॥६॥

क्रूरग्रहैः पीडितानां भक्तानामभयप्रदम्
श्रीनृसिंहं महावीरं नमामि ऋणमुक्तये ॥७॥

वेदवेदान्तयज्ञेशं ब्रह्मरुद्रादिवन्दितम्
श्रीनृसिंहं महावीरं नमामि ऋणमुक्तये ॥८॥

य इदं पठते नित्यं ऋणमोचनसंज्ञितम्
अनृणी जायते सद्यो धनं शीघ्रमवाप्नुयात् ॥९॥