माधव जूलियन - जा स्वतन्त्रतेची मौज चाख !

[जाति श्यामाराणी]

जा. स्वतन्त्रतेची मौज चाख !
कां, तुला कुणाचा आज धाक ? ध्रु०

मोहरला सहकार तुझ्यास्तव,
पहा शिरीषीं नूतन पल्लव,
गाजवील पिक अता मधूत्सव, अनुरागाची ऊक हाक ! १

पञ्चरींच तुज चारा घालूं
अन सुखशब्दीं मी कुरवाळूं,
गमेन मग म्हणजेच दयाळू कातरुनिहि तव मऊ पांख ? २

छे ! प्रेम हवें मुक्त मनाचें,
रक्त नसांमधुनी जंव नाचे,
बन्धनीं जरी प्रथम रसाचें सार मानिती लोक लाख. ३

गारठल्या या हृदयीं माझ्या
ऊब ऊरे ती तुझीच राजा !
फीर ! सवंगडी योग्य पहा जा ! पडख सुरक्षित मुक्त राख ! ४

ता. २० एप्रिल १९२९