भूपाळी - भूपाळी ३

निजलिस कां रेणुके ! ॥ध्रु.॥
माझ्या आयुष्याची लुट । काळें केली सांगूं कुठं ।
नको जाऊं झोंपी उठ । मुळपीठ नायके ॥ निज० १॥
मनाजी हा आत्मद्रोही । घर भेदील कां डोही ।
याचें कर्म तुज बाई । कां नाहीं ? ठाऊकें ॥ निज० २॥
कामक्रोधादिक सहा । शत्रु चंड मुंड महा ।
सिंहारुढ होऊनि पहा । जय महाकालिके ! ॥ निज० ३॥
अनाथांचा प्रतिपक्ष । धरुनिया मज रक्ष ।
निज ब्रीदाकडे लक्ष । दे मोक्ष - दायके ॥ निज० ४॥
अपराधी मी वरिष्ठ । कृपा करणें तुज इष्ट ।
विष्णुदास एकनिष्ठ । म्हणे गोष्ट आयके ॥ निज० ५ ॥