भानां यथासंभवमुत्तरेण यातो ग्रहाणां यदि वा शशांकः ॥ प्रदक्षिणं तत्शुभदं नृपाणां याम्येन यातो न शिवः शशांकः ॥१॥
चन्द्रमा यदि कुजस्य यात्युदक् पार्वतीयबलशालिनां जयः ॥ क्षत्रियाः प्रमुदिताः सयायिनो भूरिधान्यमुदिता वसुन्धरा ॥२॥
उत्तरतः स्वसुतस्य शशंकः पौरजयाय सुभिक्षकरश्च ॥ सस्यचयं कुरुते जनहार्दिं कोशचयं च नराधिपतीनाम् ॥३॥
बृहस्पतेरुत्तरगे शशांके पौरद्विजक्षत्रियपण्डितानाम् ॥ धर्मस्य देशस्य च मध्यमस्य वृद्धिः सुभिक्षं मुदिताः प्रजाश्च ॥४॥
भार्गवस्य यदि यात्युदक् शशी कोशयुक्तगजवाजिवृद्धिदः ॥ यायिनां च विजयो धनुष्मतां सस्यसंपदपि चोत्तमा तदा ॥५॥
रविजस्य शशी प्रदक्षिणं कुर्यागेत् पुरभूभृतां जयः ॥ शकबाह्लिकसिन्धुपह्लवा मुदभाजो यवनैः समन्विताः ॥६॥
येषामुदग्गच्च्छति भग्रहाणां प्रालेयरश्मिः निरुपद्रवश्च ॥ तद्द्रव्यपौरैतरभक्तिदेशान् पुष्णाति याम्येन निहन्ति तानि ॥७॥
शशिनि फलमुदक्स्थे ( उदकस्थे) यद् ग्रहस्यौपदिष्टं ॥ भवति तदपसव्ये सर्वमेव प्रतीपम् ॥
इति शशिसमवायाः कीर्तिता भग्रहाणां ॥ न खलु भवति युद्धं साकमिन्दोः ग्रहर्क्षैः ॥८॥