लावणी १०९ वी - दे गा पायीं जागा पंढरीच्य...

दे गा पायीं जागा पंढरीच्या पांडुरंगा ।
शरण तुला मी आलों अरे जगदीशा ।
सोडवी मजला भक्त-भव-भंगा ॥१॥
मंत्रहीन क्रियाहीन दीन देवा ।
कृपा करी रुक्मिणीच्या मानस रंगा ॥२॥
जडमूढ उद्धरिले पतित जनाला ।
माझी नये करुणा कैशी तुजला अभंगा ? ॥३॥
धावण्या द्रौपदिच्या हरि धावलाशीं ।
पुरवुन वस्त्रें तेथें झाकिलें अंगा ॥३॥
म्हणे गंगु हैबती क्षमा करी आतां ।
महादेव गुणी लीन स्मरणीं प्रसंगा ॥४॥