पुरंदरायण - प्रपंच हा आकलेना

प्रपंच हा आकलेना
त्याचे वर्म उमजेना ॥धृ०॥
मन सावध होईना
भ्रम मनीचा जाईना
चित्त स्थिर ही राहीना
किती सांगाव्या यातना
प्रपंच हा आकलेना
त्याचे वर्म उमजेना ॥१॥
वय वाढ थांबेचिना
तयातही व्याधी नाना
अन्न जल ही रुचेचिना
वैद्य कोणीही गवसेना
प्रपंच हा आकलेना
त्याचे वर्म उमजेना ॥२॥
योग काही दिसेचिना
भोग काय कळेचिना
वैद्य तुम्ही नारायणा
श्रीपुरंदर विठ्ठल दयाघना
प्रपंच हा आकलेना
त्याचे वर्म उमजेना ॥३॥