अथ कन्यादान - प्रयोग:

॥ श्री: ॥ तत: ॐ अनृक्षराऋजव:संतुपंथायेभि:सखायोयंतिनो वरेयं ॥ समर्यमासंभगोनोनिनीयात्संजास्पत्यंसुयममस्तुदेवा: ॥१८॥ इति वरंप्राङमुखं वधूंचप्रत्यङमुखींकृत्वा दाता तद्दक्षिणत: सपत्नीक उदङमुख उपविश्यआचम्यदेशकालौसंकीर्त्य अमुकप्रवरान्वितोमुकगोत्रोमुकशर्माहं ममसमस्तपितृणां निरतिशयसानंदब्रह्मलोकावाप्त्यादिकन्या दानकल्पोक्तफ़लावाप्तये अनेनवरेणास्यांकन्यायामुत्पादयिष्यमाणसंतत्याद्वादशावरान्द्वादशापरांश्चपुरुषान्पवित्रीकर्तुमात्मनश्च श्रीलक्ष्मीनारायणणप्रीतयेब्राह्मविवाहविधिना कन्यादानमहं करिष्ये इतिकुशाक्षतयुत जलेन संकल्प्य ॥
तत्रजलशुद्धयर्थंवरुणपूजांउदकाभिमंत्रणंचकरिष्ये ॥ प्रागग्रानुदगग्रन्वा दर्भानास्तीर्य तेषुजलपूर्णकलशंनिधाय व्रीहियवानोप्य गंधपुष्पादिभिरलंकृत्य दूर्वापल्लवैर्मुखमवस्तीर्याब्लिंगाभिरृग्भिरभिमंत्रयेत् ॥ तत्र वरुणंपूजयेदिति शिष्टाचार: ॥
तत:सपत्नीकउत्थायोदङमुखएवकन्यांसंप्रगृह्य ॥ कन्यांकनकसंपन्नां कनकाभरणैर्युतां ॥ दास्यामिविष्णवेतुभ्यंब्रह्मलोकजिगीषया ॥ विश्वंभर: सर्वभूत:साक्षिण्य:सर्वदेवता: ॥ इमांकन्यांप्रदास्यामिपितृणांतारणायच ॥१९॥ इत्युक्त्वास्वदक्षिणस्थभार्यादत्तपूर्वकल्पितजलधारामविच्छिन्नांनव कांस्यपात्रोपरिधृतकन्यांजल्युपरिस्थवरांजलिदक्षिणहस्तेक्षिपन्वदेत् ॥ कन्यातारयतु ॥ पुण्यंवर्धतां ॥ शिवाआप:संतु ॥ सौमनस्यमस्तु ॥ अक्षतं चारिष्टंचास्तु ॥ दीर्घमायु:श्रेय:शांति:पुष्टिस्तुष्टिश्चास्तु ॥ यच्छ्रेयस्तदस्तु ॥ यत्पापंतत्प्रातिहतमस्तु ॥ पुण्याहंभवंतोब्रुवंतु ॥ स्वस्तिंभवंतोब्रुवंतु ॥ ऋद्धिंभवंतोब्रुवंतु ॥ श्रीरस्त्वितिभवंतोब्रवंतु ॥२०॥ अमुकप्रवरान्वितामुकगोत्रोमुकशर्माहं ममसमस्तेत्यादिप्रीतयेइत्यंतमुक्त्वा ॥ अमुकप्रवरान्वितामुकगोत्रोत्पन्नायामुकप्रपौत्नायामुकपौत्रायामुकपुत्रायामुकशर्मणेश्रीधररूपिणे कन्यार्थिने वराय ॥ अमुकप्रवरोपेतामुकगोत्रोत्पन्नाममुकप्रपौत्रीम अमुकपौत्रीममुकशर्मणोमम*पुत्रीममुकनाम्नींकन्यां श्रीरूपिणींप्रजापतिदैवत्यांप्रजोत्पादनार्थंतुभ्यमहंसंप्रददे  नमम ॥ कन्यांप्रतिगृह्णातुभवान् इतिवरहस्तेसकुशाक्षतजलंक्षिपन्प्रजाप्ति:प्रीयतमितिमनसा स्मरेत् ॥ एवंपुन: कन्यातारयित्वादि द्वि: ॥
नियमबन्ध: - नियमबन्ध: - ततोवर: ॐ स्वस्तीत्युक्त्वा कन्याया दक्षिणांसमभिमृश्य ॥ ॐकइदंकस्माअदात्काम:कामायादात्कामोदाताकाम:प्रतिग्रहीता मामंसमुद्रमाविशकामेनत्वाप्रतिगृह्णामि कामैतत्तैवृष्टिवसिद्यौस्त्वांददातुपृथिवीप्रतिगृह्णातु ॥२१॥ धर्मप्रजासिद्धयर्थंकन्यांप्रतिगृह्णामीतिवदेत् ॥ ततोदाता ॥ गौरींकन्यामिमांविप्रयथाशक्तिविभूषितां ॥ *गोत्रायशर्मणे तुभ्यदंत्तांविप्रसमाश्रय ॥ कन्येममाग्रतोभूया:कन्येमेदेविपार्श्वयो: ॥ कन्ये मेपृष्ठतोभूयास्त्वद्दानन्मोक्षमाप्नुयाम् ॥ +ममवंशकुलेजातापालितावत्सराष्टकम् ॥ तुभ्यंविप्रमयादत्तापुत्रपौत्रप्रवर्धिनी ॥२२॥ धर्मेचार्थेचकामेच नातिचरितव्या त्वयेयम् ॥ वर: नातिचरामीतिवदेत् ॥ ततोदाताउपविश्य कृतस्यकन्यादानस्य प्रतिष्ठासंसिद्धयर्थमिदंसुर्वणमग्निदैवतं दक्षिणात्वेनतुभ्यमहंसंप्रददे इतिसजलंसुवर्णंवरहस्तेदत्वानममेतिवदेत् ॥ वर: ॥ ॐ स्वस्ति ॥ ततोदाताजलभाजनभोजनगोमहिष्यश्वगजदासीदासभूवाहना लंकारादियथाविभवंसंकल्पपूर्वकंवरायदद्यात् ॥ अथवर: ॥ यत्कक्षीवांस वननंविश्वेदेवाअनुष्टुप् ॥ वधूकुक्ष्यभिमर्शनेविनियोग: ॥ ॐ यत्कक्षीवांस वननंपुत्रोअंगिरसाभवेत् ॥ तेननोद्यविश्वेदेवा:संप्रियांसमजीजजनन् ॥२३॥ इत्यनेनेवधूदक्षिणकुक्षिमभिमृशेत् ॥
अथपुरोधा:पूर्वाभिमंत्रिकलशजलंकास्यपात्रेआसिच्य ॥ अनाधृष्टमित्यस्यवामदेवआपोबृहती ॥ उदकाभिमंत्रणेविनियोग: ॥ ॐ अनाधृष्टमस्यनाधृष्यंदेवानामोजोअब्भिशस्तिपा: ॥ अनभिशस्त्यंचसासत्यमुपगेषांस्वितेमाधा: ॥ इत्युदकमभिमंत्र्यसहिरण्यपवित्रयासकुशदूर्वापल्लवयौदुंबर्यार्द्रयाशाखयावधूवरावभिषिंचेत् ॥ तत्रमंत्रा: ॥ आन:प्रजामितिसूर्या सावित्रा सूर्यासावित्रीजगती ॥ अभिषेकेविनियोग: ॥ ॐ आन:प्रजांजन यतुप्रजापतिराजरसायसमनक्त्वर्यया ॥ अदुर्मंगली:पतिलोकमाविशशंनोभवद्विपदेशंचतुष्पदे ॥ समुद्रज्येष्ठा इतिचतसृणांवसिष्ठ आपस्त्रिष्टुप् ॥ अभिषेकेवि० ॥ ॐ समुद्रज्येष्ठा:० ऋ० ४ ॥ आपोहिष्ठेतितिसृणामांबरीष: सिंधुद्वीपआपोगायत्री ॥ अभिषेकेवि० ॥ ॐ आपोहिष्ठाम० ऋ०३ देवस्यत्वासवितु:० ॥ भूर्भुव:स्व:अमृताभिषेकोस्तु ॥ ( वरएवोदकाभिमंत्रण - कन्याभिषेकौकुर्यादितिकेचित् ) ॥
ततोदुग्धाक्तेन द्विगुणशुक्लसूत्रेणदंपतीकंठदेशेकटिदेशेचैशानीमारभ्य पंचवारंचतुर्वारंवाप्रदक्षिणंवेष्टयेत्पुरोधाएतैर्मंत्रै: ॥ ॐ परित्वागिर्वणो० ॥ तत: कंठदेशस्थंसूत्रमधोनिष्कास्यकुंकुमाक्तमूर्णायुक्तंचकृत्वा तेनहरिद्राखंडंबद्ध्वा तद्वधूवामहस्तप्रकोष्ठेवरोबध्नीयात् ॥ ॐ नीललोहितंभवतिकृत्यासक्तिर्व्यज्यते ॥ एधंतेअस्याज्ञातय:पतिर्बंधेषुबध्यते ॥२४॥ इतिमंत्रेण ॥ तत:कटिदेशस्थंसूत्रमुपरिनिष्कास्य तादृशंकृत्व वरदक्षिणहस्तप्रकोष्ठेवधू र्बध्नीयात्तेनैवमंत्रेण ॥