अथ स्थालीपाक तंत्रम्

१ श्री: ॥ यजमानोद्विराजम्यदर्भपाणि:प्राणानायम्यममोपात्तदुरितक्षयद्वाराश्रीपरमेश्वरप्रीत्यर्थममुककर्मकरिष्ये ॥ तदंगहोमंकर्तुंस्थंडिला दिकरिष्ये ॥ इतिसंकल्प्य ॥
२ गोमयादिलिप्तेशुद्धमृदाऐशान्यारंभमुदक्संस्थंच तुरस्त्रंचतुरंगुलोन्नमंगुलोन्नतंवाचतुर्दिक्षुमिलित्वा द्विसप्तत्यंगुलपरिधिकंफ़लितमष्टादशांगुलविस्तृतं होमानुसारेण तदधिकंवा तदधिकंवा नतुततोन्यूतं मध्योन्नतंस्थंडिलं कुर्यात् ॥ तद्रोमयेनप्रदक्षिणमुपलिप्य ॥
३ दक्षिणेष्टौउदीच्यांद्वेप्रतीच्यांचतु:प्राच्यामर्धमित्यंगुलानित्यक्त्वा दक्षिणोपक्रमामुदक्संस्था प्रादेशमात्रामेकांलेखां  लिखित्वातस्यादक्षिणोत्तरयो: प्रागायतेपूर्वरेखयाअसंसृष्टेप्रादेशसंमितेद्वेलेखे लिखित्वा तयोर्मध्येपर स्परमसंसृष्टाउदक्संस्था: प्रागायता: प्रादेशसंमितास्तिस्त्रैतिषड्लेखायज्ञियशकलमूलेनदक्षिणहस्तेनोल्लिख्य लेखासु तच्छकलमुदगंग्रंनिधायस्थडिलमद्भिरभ्युक्ष्यकलंभंक्त्वाग्नेयांनिरस्य पाणिंप्रक्षाल्य वाग्यतोभवेत् ॥
४ ततस्तैजसेनासंभवेमृन्मयेनवापात्रयुग्मेनसंपुटीकृत्यसुवासिन्या श्रोत्रियागारात्सवगृहाद्वा समृद्धं निर्धूममग्निमाहृतंस्थंडिलादाग्नेय्यांनिधाय ॥ जुष्टोदमूनाआत्रेयोवसुश्रुतोग्निस्त्रिष्टुप् ॥ इह्यराहूगणोगोतमोग्निस्त्रिष्टुप् ॥ अग्न्यावाहनेविनियोग: ॥ ॐ जुष्टोदमूनाअतिथिर्दुरोणैमंनोयज्ञमुपयाहिविद्वान् ॥ विश्वाअग्नेअभियुजोविहत्याशत्रूयतामाभराभोजनानि ॥ एजुअग्नइहोतानिषीदादब्ध:सुपुरएताभवान: ॥ अवतांत्वारोदसीविश्वमि न्वेयजामहेसौमनसायदेवान् ॥ इत्यक्षतैरावाह्याच्छादनंदूरीकृत्य ॥ समस्त व्याहृअतीनांपरमेष्ठीप्रजापति:प्रजापतिर्बृहती ॥ अग्निप्रतिष्ठापनेविनियोग: ॥ ॐ भूर्भुव:स्वरित्यात्माभिमुखंपाणिभ्यांषट्सुलेखास्वमुकनामानमग्निंप्रतिष्ठापयामीत्यग्निंप्रतिष्ठाप्य ॥ आनीताग्निपात्रsक्षतोदकं प्रास्य पात्रद्वयमेकीकृत्य ॥ प्रोक्षितेंधनानिंनिक्षप्य वेणुधमन्याप्रबोध्य ध्यायेदेवम् ॥
५ चत्वारिश्रृंगागोतमोवामदेवोग्निस्त्रिष्टुप् ॥ अग्निमूर्तिध्यानेविनियोग: ॥ ॐ चत्वारिश्रृंगात्रयोअस्यपादाद्वेशीर्षेसप्तहस्तासोअस्य ॥ त्रिधावद्धोवृषभोरोरवीतिमहोदेवोमर्त्यॉsआविवेश ॥ अथाग्निमूर्तिंवक्ष्यामि सर्वाभीष्टप्रदायकं ॥ एकदेहंद्विशीर्षस्कं जटामुकुटमंडितं ॥ सुदीप्तस्वर्णवपुषंशशांकशकलान्वितं ॥ चतु:श्रोत्रद्विनासंच षडक्षंपिंगलप्रभं ॥ आस्यद्वयं सुताम्रोष्ठं सप्तजिव्हासमावृतं ॥ दक्षिणास्ये चतुर्जिव्हास्तिस्त्रो वै वामवक्त्रके ॥ प्रसन्नं सुस्मितं शांतं सप्तहस्तसमन्वितं ॥ दक्षिणेच चतुर्हस्तं वामभागे त्रिहस्तकं ॥ स्रुक्स्रुवौ शक्तिमिध्मंच धारयन्दक्षिणैर्भुजै: ॥ धारयन्तोमरंवामे व्यजनं घृतपात्रकं ॥ त्रिमेखलं त्रिपादंच मेषारूढं वरप्रदं ॥ यज्ञसूत्रधरं सौम्यं सर्वाभरनाभूषितं ॥ रक्तांबरधरंदेव रक्तमालाबिभूषितं ॥ रक्तचंदनलिप्तांग ज्वालाकोटिसमप्रभं ॥ स्वाहाचदक्षिणेपार्श्वे देवीवामेस्वधाभवेत् ॥ एवंसंचित्यमनसावह्निमध्येतमाह्नयेत् ॥ शांडिल्यगोत्र वैश्वानर मेषध्वज प्राङमुखो ममसन्मुखो भव ॥ सुप्रतिष्ठितो भव ॥ सुप्रसन्नो भव ॥ सुवरदो भव ॥
६ समिद्व्यमादाय ॥ तत्रदेवतापरिग्रहार्थमन्वाधानंरिष्ये ॥ अस्मिन्नन्वाहितेग्नौजातवेदसमग्निमिध्मेनप्रजापतिंप्रजापतिं चाघारदेवतेआज्येन ॥ अग्नीषोमौ चक्षुषीआज्येन ॥ अत्र प्रधानं ॥
( अग्निमग्नीषोमौचप्रधानदेवतेचरुद्रव्येण ॥ दर्शेतुअग्निमिंद्राग्नीचप्रधानदेवतेचरुद्रव्येण ) इतिविशेष: ॥
७ शेषेणस्विष्टकृतमग्निंइध्मसन्नहनेनरुद्रमयासमग्निं देवान्विष्णुमग्निंवायुंसूर्यंप्रजापतिंचैता: प्रायश्चित्तदेवताआज्येन ज्ञाताज्ञातदोषनिबर्हणार्थंत्रिवारमग्निंमरुतश्चज्येनविश्वान्देवान्संस्त्रावेणयक्ष्ये॥ अंगदेवता: प्रधानदेवता: सर्वा: सन्निहिता: संतुएवंसांगोपांगेन कर्मणासद्योयक्ष्ये ॥ समस्तव्याहृतीनांपरमेष्ठी प्रजापति: प्रजापतिर्बृहती अन्वाधानसमिद्धोमेविनियोग: ॥ ॐ भूर्भुव:स्व:स्वाहा ॥ प्रजापतयइदंनमम ॥ इध्माबर्हिषोश्च सन्नहनं ॥
८ अग्न्यायतनादष्टांगुलपरिमितेदेशेऐशानींदिशमारभ्यप्रदक्षिणंसमंतात्सोदकेनपाणिना त्रि: परिमृज्य पूर्वमुपरिनिहितदभैंर्दशांगुलमिते देशेप्राच्यादिषु परिस्तृणीयात् ॥ तत्रप्राच्यांप्रतीच्याचोदगग्रादर्भा:अवाच्यामुदीच्यांचप्रागग्रा: पूर्वश्चत्परिस्तरणमूलयोगुपरिदक्षिणापरिस्तरणं उत्तरपरिस्तरणंतुतदग्रयोरधस्तात् ॥ तेचदर्भाअनियतसंख्याएकैकस्यां दिशिचत्वारश्चत्चारैत्येवंषोडशवा ॥ ततोग्नेर्दक्षिणतोब्रह्मासनार्थंउत्तर तश्चपात्रासादनार्थं कांश्चित्प्रागग्रान्दर्भानास्तृणीयात् ॥ अग्नेरैशानतस्त्रिरंभसापरिषिच्य ॥
९ उत्तरास्तीर्णेषुदर्भेषु दक्षिणसव्यपाणिभ्यांक्रमेण चरुस्थाली प्रोक्षण्यौ दर्वीस्रुवौ प्रणीताज्यपात्रे इध्माबर्हिषी शूर्पकृष्णाजिने उलूखलमुसले चेतिद्वेद्वेउदगपवर्गं प्राक्संस्थंच न्युब्जान्यासादयेत् ॥
१० आज्यमात्र्होमेतुप्रोक्षणीस्रुवौ प्रणीताज्यपात्रे इध्माबर्हिषीचेत्येतावतामेवासादनम् ॥
११ तत: प्रोक्षणीपात्रमुत्तानंकृत्वा तत्नानंतर्गर्भिम्तसाग्रसमस्थूलप्रादेशमात्रकुशद्वयरूप पवित्र निधाय शुद्धाभिरद्भिस्तत्पात्रं पूरयित्वा गंधपुष्पादि क्षिप्त्वा हस्तयोरंगुष्ठोपकनिष्ठिकाभ्यामुत्तानाभ्यांपाणिभ्यामुदगग्रेपृथक्पवित्रेधृत्वा अपस्त्रिरुत्पूय पात्राण्युत्तानानिकृत्वाइध्मंचविस्त्रस्यसर्वाणिपात्राणित्रि:प्रोक्षेत् ॥ ताअप:किंचित्कमंडलौक्षिपेदित्येके
१२ ततो ब्रह्माग्निंपरीत्य दक्षिणतउदङमुख:स्थित्वा आसनार्थदर्भेषुदक्षिणभागस्थमेकंदर्भमंगुष्ठानामिकाभ्यां गृहीत्वा ॥ निरस्त:परावसु: ॥ इतिनैऋत्यांनिरस्याप: स्पृष्ट्वा ॥ इदमहमर्वावसो: सदनेसीदामि ॥ इत्युक्त्वोदङमुखएव वामोरूपरिदक्षिणपादं संस्थाप्योपविश्य गंधाक्षतादिभिरर्चित:सन् ब्रह्मांजलिकृतोजपेत् ॥ ॐ बृहस्पतिर्ब्रह्म ब्रह्मसदन आशिष्यते बृहस्प्ते यज्ञं गोपाय ॥ इति जपित्वा ॥ ततो यजमान: प्रणीतापात्नमग्ने: प्रत्यङनिधायतत्रप्रागग्रेपवित्रेनिधायोत्पूता भिरद्भिस्तत्पात्रंपूरयित्वा गंधपुष्पाक्षतान्निक्षिप्य ब्र्ह्मन्नप:प्रणेश्यामीति पृच्छेत् ॥ ततो ब्रह्मा उपांशु - र्भूर्भुव:स्वर्बृस्पतिप्रसूत: ॥ उच्चै: ॐ प्रनयैत्यनुजानीयात् ॥ कर्तापूर्णपात्रंमुखसममुद्धऋत्याग्नेरुत्तरतोदर्भेषुनि घाय तेपवित्रेगृहीत्वान्यैर्दर्भैराच्छादयेत् ॥
१३ तत:प्रत्यगग्ने: कुशेषुशूर्पंनिधाय तत्रप्रागग्रेपवित्रेनिधाय ( अग्नये ) त्वाजुष्टंनिर्वपामि इतिमंत्रावृत्त्याव्रीहीणांतवानांवाचतुरश्चतुरोमुष्टीन्निरुप्य ( अग्नीषोमाभ्यां ) त्वाजुष्टंनिर्वपामीतितथैवनिरुप्य ते पवित्रनिरुप्तव्रीहीणामुपरिनिधायोत्पूताभिरद्भि: ( अग्नये ) त्वाजुष्टंप्रोक्षामि इतिनिर्वापसंख्ययाप्रोक्षेत् ॥ एवं ( अग्नीषोमाभ्यां ) त्वाजुष्टंप्रोक्षामि इतितथैवप्रोक्षेत् ॥ ( दर्शेतुअग्नीषोमस्थानेइंद्राग्निभ्यांत्वेत्यादिनिर्वापेप्रोक्षणेचविशेष: ॥ )
१४ एवंनाममंत्रकहोमेनिर्वाप:प्रोक्षणंचयथाप्रधानदैवतंदेवतानामग्रहणेनकार्यम् ॥ समंत्रकहोमेतुश्रवणाकर्मादौतूष्णींचतुरश्चतुरोमुष्टीन्निर्वपेत्प्रोक्षेच्च ॥
१५ तत:पात्रणामुत्तरत:प्रग्ग्रीवमास्तीर्णेऊर्ध्वलोम्निकृष्णाजिनेनिहिते उलूखले मुसलेन पत्न्यवहत्यशूर्पेण तुषादीन् संशोध्य त्रि:शुक्लीकुत्यात् ॥ तांस्त्रि:प्रक्षालितान्पृथक्पात्रेएकपात्रेवा अविदग्धमनववस्त्रावितमंतरूष्मपक्कंसुश्रृतंचरुंपचेत् ॥
१६ ततस्तेपवित्रेआज्यपात्रेनिधाय तत्पात्रंपुरत:संस्थाप्य तस्मिन्नाज्यमासिच्य अग्नेरुत्तरत:स्थितांगारान्भस्मनासहाग्नेरुदक्प्रिस्तरणाद्बहिर्निरुह्य तेष्वाज्यपात्रमधिश्रित्य ज्वलतादर्भोल्मुकेनावज्वल्यांगुष्ठपर्वमात्रंप्रक्षालितंदर्भाग्रद्वयमाज्येप्रक्षिप्य पुनर्ज्वलतातेनैवदर्भोल्मुकेन चरुणासहाज्यंत्रि:पर्यग्निकृत्वा तदुल्मुकमपास्याप: स्पृष्ट्वा आज्यस्थालींभुविकर्षयित्वाउदगुद्वास्य अंगारान्प्रत्यूह्याप:स्पृष्ट्वा तत्रस्थमेवाज्यं ॥
१७ अंगुष्ठोपकनिष्ठिकाभ्यांपवित्रेगृहीत्वा ॥ सवितुष्ट्वाहिण्यस्तूप:सवितापुरउष्णिक् ॥ आज्यस्योत्पवनेविनियोग: ॥ ॐ सवितुष्ट्वाप्रसवउत्पुनाम्यच्छिद्रेण पवित्रेणवसो:सूर्यस्यरश्मिभिरितिमंत्रेणैकश्रुत्योच्चारितेनैकवारंद्विस्तूष्णीं उत्तानपाणिद्वयांगुष्ठोपकनिष्ठिकाभ्यांतयोरसंसृष्टगृहीताभ्यामुदगग्राभ्यांपवित्राभ्यांप्रागुत्पूयते पवित्राद्भि: प्रोक्ष्याग्नौप्रहरेत् ॥ तूष्णीं स्कंदायस्वाहा स्कंदायेदंनमम इतिमंत्रेणेतिकेचित् ॥
१८ अथाग्ने:पश्चात्परिस्तरणाद्बहिरात्मनोग्रतो भूमिंप्रोक्ष्य तत्रबर्हि: सन्नहनींरज्जुमुदगग्रांप्रसार्य तस्यांबर्हि: प्रागग्रमुदगपवर्गमविरलमास्तीर्य तास्मिन्नाज्यपात्रं निधाय ॥
१९ स्रुवादिसंमार्जयेत् ॥ तद्यथा ॥ दक्षिणेनहस्तेन स्रुक्स्रुवौ गृहीत्वा सव्येनकांश्चिद्दर्भानादाय सहैवाग्नौप्रताप्य स्रुचंनिधाय स्रुवंवाम हस्तेगृहीत्वा दक्षिणहस्तेनस्रुवस्यबिलंदर्भाग्रै:प्रादक्षिण्येनप्रागादिप्रागपवर्गंत्रि:संमृज्याधस्ताद्दर्भाग्रैरेवाभ्यात्मंबिलपृष्ठं त्रि: संमृज्य ततोदर्भाणांमूलैर्दंडस्याधस्ताद्बिलपृष्ठादारभ्य यावदुपरिष्टाद्बिलं तावत्त्रि:संमृज्याद्भि:प्रोक्ष्य स्रुवंनिष्टप्याज्यस्थाल्यौत्तरत:स्रुगसंसृष्टंनिधायोदकंस्पृष्ट्वा तैरेवदर्भैर्जुहुंचैवमेवसंमृज्य स्रुवादुत्तरतोनिधाय दर्भानद्भि:क्षालयित्वाग्नावनुप्रहरेत् ॥
२० तत:श्रृतंचरुं स्रुवगृहीतेनाज्येनाभिघार्योदगुद्वास्याग्न्याज्ययोर्मध्येननीत्वाज्याद्दक्षिणतोबर्हिषिसांतरमासाद्य पुनरप्याभिघार्य नवाभिघार्य हवि:पृथक्करणाय पात्रातरं चर्वाज्ययोर्मध्येनिधाय ॥
२१ एकादशांगुलिमितेदेशेगंधाक्षतपुष्पैरग्निंसमंत्रमर्चयेत् ॥ विश्वानिनैतितिसृणामात्रेयोवसुश्रुतोग्निस्त्रिष्टुप् द्वयोरर्चनेअंत्याया उपस्थानविनियोग: ॥ ॐ विश्वानिनोदुर्गहाजातवेद: ॥१॥ ॐसिंधुंननावादुरितातिपर्षि ॥२॥ ॐ अग्नेअत्रिवन्नमसागृणान: ॥३॥ ॐ अस्माकंबोध्यवितातनूनां ॥४॥ ॐ यस्त्वाहृदाकीरिणामन्यमान: ॥५॥ ॐ अमर्त्यंमर्योजोहवीमि ॥६॥ ॐ जातवेदोयशोअस्मासुधेहि ॥७॥ ॐ प्रजाभिरग्नेअमृतत्वमश्यां ॥८॥ ॐ यस्मैत्वंसुकृतेजातवेदौलोकमग्नेकृणवस्योनं ॥ अश्विनंसपुत्रिणंवीरवतंगोमंतंरयिंनशतेस्वस्ति ॥ स्थंडिलादष्टदिक्षु गंधपुष्पादिभिरायतनमलंकृत्य ॥ एकयोपस्थाय ॥
२२ तत आत्मानंचालंकृत्य हस्तंप्रक्षाल्य इध्मबंधनरज्जुमिध्मस्थानेनिधाय पाणिनेध्ममादाय मूलमध्याग्रेषु स्रुवेणत्रिरभिघार्य मूलमध्ययोर्मध्यभागेगृहीत्वा ॥ अयंतेवामदेवोजातवेदाअग्निस्त्रिष्टुप् इध्महवनिविनियोग: ॥ ॐ अयंतइध्माअत्माजातवेदस्तेनेध्यस्ववर्धस्वचेद्धवर्धय चास्मान्प्रजयापशुभिर्ब्रह्मवर्चसेनान्नाद्येन समेधयस्वाहा ॥ जातवेदसेन्नयइदंनमम ॥ तत:स्रुवेणाज्यमादायाग्नेरायतनस्यवायव्यकोणमारभ्याग्नेयकोणपर्यंतंप्रजापतयइति मनसास्मरन्स्वाहेत्युच्चार्य नैरंतर्येणाज्यधारामग्नाविध्मदारूपरिहुत्वा ॥ पुनराज्यमादायाग्नेरायतनस्यनैरृतकोणऐशानीपर्यंतंतथैवहुत्वात्यक्त्वाच ॥
२३ स्रुवेणाज्यमादाय अग्नयेस्वाहेत्यग्नेरुत्तरपार्श्वेभागेहुत्वापुनराज्यं सोमायस्वाहेत्यग्निदक्षिणपार्श्वेतत्समप्रदेशेगुत्वा ॥
२४ पूर्वनिहितपात्रेचरुमुद्धृत्यपृथक्कृत्य ( इदमग्नयेइदमग्नीषोमाभ्यां ) इतिचरुभागद्वयमुत्तरसंस्थमाभिमृश्यावदानधर्मेणजुहुयात् ॥ एवंनाममंत्रकहोमेयथादैवतंविभक्तस्यचरोरभिमर्श: ॥ समंत्रकहोमेतुनविभागोनाभिमर्शश्च ॥
२५ अथावदानधर्म: ॥ स्रुवेणस्त्रुच्याज्यमुपस्तीर्य प्रथमप्रधानदेवताचरुभागमध्यादंगुष्ठपर्वमात्रंतिरश्चीनाभिरंगुष्ठमध्यमानामिकाभिरुदगग्राभिर्नखस्पर्शमकुर्वन्नवदायदर्व्यामोप्य ततश्चरुपूर्वभागंप्रागग्राभिस्ताभिस्तथैवावदाय दर्व्यामोप्य पात्रस्थंहविरभिघार्य दर्वीस्थमवत्तंचाभिघार्यविधूमज्वालाग्नौ ॥
२६ ( ॐ अग्नयेस्वाहेति ) आज्यभागयोर्मध्यदेशेतत्प्रत्यग्देशेवाआच्छादयन्निवदर्व्यापार्श्वेनहुत्वा ( अग्नयैअदंनममेति ) त्यक्त्वा ॥ पुन:पूर्ववदुत्तरहविर्भागादवदाय ॥ ( ॐ अग्नीषोमाभ्यांस्वाहेति ) पूर्वाहुते:प्राग्भागे हुत्वा ( अग्नीषोमाभ्यामिदंनममेति ) त्यजेत् ॥ ( दर्शेतुअग्नीषोमस्थाने इंद्राग्निभ्यांस्वाहा इंद्राग्निभ्यामिदंनममेतिविशेष: ॥ )
२७ पुनर्दर्व्यामुपस्तीर्य प्रथमहविर्भागस्योत्तरार्धत: पूर्वावदानतो भूयोनूचीनाभिरेवांगुलिभिरवदाय दर्व्यामोप्य द्वितीयहविर्भागस्यतथैवावदाय पात्रस्थमनभिघार्यावत्तंतुद्विरभिघार्य ॥
२८ यदस्येतिहिरण्यगर्भोग्नि: स्विष्टकृदतिधृति: स्विष्टकृद्धोमेविनियोग: ॥ ॐ यदस्यकर्मणोत्यरीरिचंयद्वान्यूनमिहाकरं ॥ अग्निष्टस्त्विष्टकृद्विद्वन्त्सर्वंस्विष्टंसुहुतंकरोतुमे ॥ अग्नयेस्विष्टकृतेसुहुतहुतेसर्वप्रायश्चिताहितीनांकामानांसमर्धयित्रेसर्वान्न:कामान्त्समर्धयस्वाहा इत्यग्नावैशानदेशेजुहुयात् ॥ स्विष्टकृतेग्नय इदंनमम ॥ ततोsग्नेरत्तरस्थितमिध्मबंधनरज्जुंविस्त्रस्य रुद्राय स्वाहा रुद्रायेदंनमम ॥ अप उपस्पृश्य ॥
२९ स्रुवेणप्रायश्चित्ताज्याहुती: सप्त जुहुयात् ॥ अयाश्चेतिविमदिया अग्नि:पंक्ति: ॥ प्रायश्चित्ताज्यहोमे विनियोग: ॥ ॐ अयाश्चाग्नेस्यनभिशस्तीश्चसत्यमित्वमयाअसि ॥ अयासावयसाकृतोयासन्हव्यमूहिषेयानौधेहिभेषजंस्वाहा ॥ अयासेग्नय इअदंनमम ॥१॥ अतोदेवा:काण्वोमेधातिथिर्देवागायत्री ॥ प्रायश्चित्ताज्यहोमे विनियोग: ॥ ॐ अतौदेवाअवंतुनोयतोविष्णुर्विचक्रमे ॥ पृथिव्या:सप्तधामभि:स्वाहा ॥ देवेभ्यइदंनमम ॥२॥ इदंविष्णु: काण्वोमेधातिथिर्विष्णुर्गायत्री ॥ प्रायश्चिताज्यहोमे विनियोग: ॥ ॐ इदंविष्णुर्विचक्रमेत्रेधानिदधेपदं ॥ समूळहमस्यपांसुरस्वाहा ॥ विष्णव इदंनमम ॥३॥ व्यस्तसमस्तव्याहृतीनांविश्वा मित्रजमदग्निभरद्वाजप्रजापतय ऋषय: ॥ अग्निवायुसूर्यप्रजापतयोदेवता: ॥ गायत्र्युष्णिगनुष्टुब्बृहत्यश्छंदांसि ॥ प्रायश्चित्ताज्यहोमे विनियोग: ॥ ॐ भू:स्वाहा ॥ अग्नयइदंनमम ॥४॥ ॐ भुव:स्वाहा ॥ वायवइदंनमम ॥५॥ ॐ स्व:स्वाहा ॥ सूर्यायेदंनमम ॥६॥ ॐ भूर्भुव:स्व:स्वाहा ॥ प्रजापतयइदंनमम ॥७॥ ततोब्रह्माकर्तारंपरीत्याग्नेर्वायव्यदेशेतिष्ठन्नेताएवसप्ताज्याहुतीर्जुहुयात् ॥ त्यागंयजमानोsत्रकुर्यात् ॥ ततस्तत्रस्थोब्रह्मैवमंत्रविपर्यासादिनियतनिमित्तेसति ॥ अनाज्ञातमितिमंत्रद्वयस्यहिरण्यगर्भोग्निरनुष्टुप् ॥ ज्ञाताज्ञातदोषनिबर्हणार्थंप्रायश्चित्ताज्यहोमे विनियोग: ॥ ॐ अनाज्ञातंयदाज्ञातंयज्ञस्यक्रियतेमिथु ॥ अग्नेतदस्यकल्पयत्व हिवेत्थयथातथ स्वाहा ॥ यजमान: ॥ अग्नयैअदंनमम ॥ ॐ पुरुषसंमितोयज्ञोयज्ञ;पुरुषसंमित: ॥ अग्नेतदस्यकल्पयत्व हिवेत्थयथातथ स्वाहा ॥ अग्नयइदंनमम ॥ तत्पाकत्रेत्याप्त्यस्त्रितोग्निस्त्रिष्टुप् ॥ प्रायश्चित्ताज्यहोमे ॥ विनियोग: ॥ ॐ यत्पाकत्रामनसादीनदक्षानयज्ञस्यमन्वतेमर्तास: ॥ अग्निष्टद्धोताक्रतुविद्विजानन्याजिष्ठोदेवा ऋतुशोयजातिस्वाहा ॥ अग्नयइदंनमम ॥ यद्वोदेवा अभितपामरुतस्त्रिष्टुप् ॥मंत्रतंत्रविपर्यासादिनिमित्तकप्रायश्चित्ताज्यहोमे विनियोग: ॥ ॐ यद्वोदेवा अतिपातयानिवाचाचप्रयुतीदेवहेळनं ॥ अरायोअस्मॉंअभिदुच्छुनायतेन्यत्रास्मन्मरुतस्तन्निधेतनस्वाहा ॥ मरुद्भ्यइदंनमम ॥ ॐ विश्वेभोदेवेभ्य:स्वाहा इतिसंस्त्रावंहुत्वा विश्वेभोदेवेभ्यइदं नममेतित्यजेत् ॥
३० ततस्तंडुलकणान्समिद्दर्भशकलान्यद्भि: प्रोक्षाग्नौप्रहरेत् ॥ अथावभृथस्थानीयंपूर्णपात्रजलेन मार्जनंकुर्यात् ॥ तद्यथा ॥ पूर्वा सादितंपूर्णपात्रमास्तीर्णे बर्हिषि दक्षिणपाणिना निधाय तत्रगंगादिपुण्यनदी: स्मरन्दक्षिणपाणिना स्पृशन् ॥ पूर्णमसिपूर्णंमेभूया: सुपूर्णमसिसुपूर्णंमेभूया:सदसिसन्मेभूया:सर्वमसि सर्वंमेभूया: ॥ अक्षिरिरसिमामेक्षेष्ठा: ॥ इतिजपित्वाकुशाग्रै:प्रागादिपंचदिक्षु जलंमंत्रैर्यथालिंग सिंचेत् ॥ तेचमंत्रा: ॥ प्राच्यांदिशिदेवाऋत्विजो मार्जयंतां ॥ दक्षिणस्यांदिशिमासा:पितरोमार्जयंतां ॥ अपउपस्पृश्य ॥ प्रतीच्यांदिशिग्रहा:पशवोमार्जयंतां ॥ उदीच्यांदिश्यापओषधिवनस्पतयोमार्जयंतां ॥ ऊर्ध्वायांदिशियज्ञ:संवत्सर:प्रजापतिर्मार्नयतां ॥ आपोअस्मानित्यस्य देवश्रवाआपस्त्रिष्टुप् ॥ मार्जने विनियोग: ॐ आपोअस्मान्मातर:शुंधयंरुघृतेननोघृतप्व:पुनंतु ॥ विश्वंहितिप्रंप्रवहंतिदेवीरुदिदाभ्य:श्चुरापूतएमि ॥ इदमाप:सिंधुद्वीपाआपोनुष्टुप् ॥ मार्जने विनियोग: ॥ ॐ एदमाप:प्रवहतयत्किंचदुरितंमयि ॥ यद्वाहमभिदुद्रोहयद्वाशेपउतानृतं ॥ सुमित्र्यानाअपओषधय:संतु ॥ इत्येतैर्मंत्रांतेमार्जनंकृत्वा ॥ दुर्मित्र्यास्तस्मैसंतुयोस्मान्द्वेष्टियंचवयंद्विष्मस्तंहन्मि ॥ इतिनिरृतिदेशेकुशाग्रैरप:सिंचेत् ॥
३१ ततोब्रह्मा उअजमानवामपार्श्वस्थितपत्न्यंजलौपूर्णपात्रस्थंजलं ॥ ॐ माहंप्रजांपरासिचंयान:सयाचरीस्थन ॥ समुद्रेवोनिनयानिस्वंपाथोअपीथेति मंत्रंपत्न्यावाचयन्स्वयंवापठन्प्रत्यङमुखंनिषिच्यांजलिस्थजलै:पापापनोदार्थमात्मानंयजमानंपत्नींचप्रोक्षेत् ॥ पत्नीतज्जलंबर्हिषिनिषिंचेत् ॥ अथवायजमानएव स्ववामपाणावुत्तानेबर्हिर्निधायतत्रदक्षिणपाणिनापूर्णमात्रमादाय माहंप्रजामित्यनेनतज्जलंप्रत्यङमुखं निशिच्य ताआप:समुद्रंगच्छंतीतिध्यात्वा पाणिस्थजलैरात्मानंपत्नींचप्रोक्षेत् ॥
३२तत:कर्ताग्नेर्वायव्यदेशेस्थित:संस्थाजपेनोपतिष्ठेत ॥ तद्यथा ॥ अग्नेत्वंनइति ॥ चतसृणांगौपायनालौपायनावाबंधु: सुबंधु: श्रुतबंधुर्विप्रबंधुश्चैकर्चाऋषय: ॥ अग्निर्देवता ॥ द्विपदाविराट्छंद: ॥ अग्न्युपस्थानेविनियोग: ॐ अग्नेत्वंनोअम्तमउतत्राताशिवोभवावरूथ्य: ॥ वसुरग्निर्वसुश्रवाअच्छानक्षिद्युमत्तमंरयिदा: ॥ सनोबोधिश्रुधीहवमुरुष्याणोअघायत:समस्तात ॥ तंत्वाशोचिष्ठदीदिव:सुम्नायनूनमीमहेसखिभ्य: ॥ ॐ चमेस्वरश्चमे यज्ञोपचतेनमश्च ॥ यत्तेन्यूनंतस्मैतउपयत्तेतिरिक्तंतस्मैतेनम: ॥ अग्नयेनम: ॥ ॐ स्वस्ति ॥ श्रद्धांमेधांयश:प्रज्ञांविद्यांबुंद्धिंश्रियंबलं ॥ आयुष्यं तेज आरोग्यंदोहिमेहव्यवाहन ॥ मानस्तोकइतिकुत्सोरुद्रोजगती ॥ विभूति ग्रहणेविनियोग: ॥ ॐ मानस्तोकेतनयेमानाअयौमानोगोषुमानोअश्वैषुरीरिष: ॥ वीरान्मानोरुद्रभामितोवधीर्हविष्मंत:सदमित्त्वाहवामहे ॥ इतिस्रुवबिलपृष्ठेनैशानीगतांविभूतिंगृहीत्वा ॥ ॐ त्र्यायुवंजमदग्नेरितिललाटे ॥ कश्यपस्यत्र्यायुषामितिकंठे ॥ अगस्त्यस्यत्र्यायुषमितिनाभौ ॥ यद्देवानांत्र्यायुषमितिदक्षिणस्कंधे ॥ तन्मेअस्तु त्र्यायुषमितिवामस्कंधे ॥ सर्वमस्तुशतायुषमितिशिरसिधारयेत् ॥ कचित्तूपस्थानात्पूर्वंविभूतिधारणमाहुरिति ॥
३३ तत: परिस्तरणान्युत्तरेविसृज्याग्निंपरिसमुह्यपरिषिच्यविश्वानिनइत्यर्चयित्वानत्वाचपुष्पादिभिरलंक्रुत्यनैवेद्यंतांवुलंचनिवेद्य ॥
३४ ब्रह्मणेयथोक्तदक्षिणाभावेहुतशेषंघृतादिसहिरण्यंदत्वा ब्रह्माभावेन्यस्मैब्राह्मणायदत्वा पात्राणिप्रक्षाल्यपूर्वक्रमेणद्वंद्वशउत्सृज्य यस्यस्मृत्येतिश्रीविष्णुंनत्वाकर्मेश्वरार्पणंकृत्वाचामेत् धृतपवित्रग्रंथिंविस्त्रस्य शुद्धदेशेक्षिपेत् ॥ इतिस्थालीपाकतंत्रम् ॥