अथ कुंडमंडपवेदी लक्षणम्

कुंडलक्षणम् - भविष्यपुराणे - मुष्टिमानं शतार्धंतुशतेचारत्निमात्रकम् ॥ सहस्त्रेत्वथहोतव्यं कुंडम कुर्यात्करात्मकम् ॥ विश्वकर्मा - व्यासात्खातपर: प्रोक्तो निम्नंतिथ्यंगुलेनतु ॥ कंठात्परं मेखलातुउन्नतास्यान्नवांगुलै: ॥ चतुस्त्रिद्व्चंगुलव्यासो मेखला त्रितयस्यतु ॥ सिद्धांतशेखरे - एकाषडंगुलोत्सेधा विस्तारा मेखला मता ॥ त्रैलोक्यसारे - दीर्घा सूर्यांगुलायोनिस्त्र्यंशेन विस्तरेणतु ॥ एकांगुलोच्छ्रिता सातु प्रविष्टाभ्यंतरे तथा ॥ कुंभद्वयात्ध संयुक्ता चाश्चत्थदलवन्मता ॥ अंगुष्ठमेखलायुक्ता मध्येत्वाज्यधृतिस्तथा ॥ कुंडानां कल्पयेदंतर्नाभिमंबुज सन्निभं ॥ तत्तत्कुंडानुकारावा मानमस्य निगद्यते ॥ द्वितीयमेखलायां परिधि - परिस्तरणार्थमंतरंरक्षेत् ॥ यावान् कंडस्यविस्तार: खननं तावदीरितं ॥ पश्चिम मेखलोपरि कुंडविस्तारार्धं दीर्घां कुंडविस्तारतृतीयांशविस्तृतां योनिं भूमितो रचयेत् ॥ शारदायां - सर्व सिद्धिकरं कुंडं चतुरस्त्रमुदाहृतम् ॥ मात्स्ये - मानहीनाधिकं कुंडमनेकभयदं भवेत् ॥
औपासन - कुंडलक्षणम् - स्मृतिसारे - अरित्निमात्रं विज्ञेयमग्नेरायतनंशुभं ॥ श्रोते चौपासने कुंडखातयोनिविवर्जितम् ॥ मेखलाद्वितयंकार्यं रेखालग्नंतुबाह्यत: ॥ बाह्या द्वयंगुकविस्ताराsभ्यंतरा चतुरंगुला ॥ बाह्याषडंगुलोत्सेधाsभ्यंतरा द्वादशांगुला ॥ चतुर्विंशत्यंगुलयोsरत्निस्तदर्धंप्रादेश: ॥ प्रयोगरत्ने - चतुर्विंशत्यंगुलं सार्धंद्वाविशत्यंगुलप्रमाणंवा षोडशांगुलप्रमाणंवा चतुरस्त्रं प्रत्येकं चतुरंगुलोत्सेधमेखलात्रययुक्तमायतनम् ॥
वैश्वदेव - कुंडलक्षणम् - षडंगुलमितोsच्छ्रायंगर्तेच चतुरंगुलम् ॥ द्वादशांगुलविस्तीर्णं कुंडं तद्वैश्चदेविकम् ॥१॥
मंडपलक्षणम् - हेमाद्रौमात्स्यपुराणे - गृहस्योत्तरपूर्वेण मंडपं कारयेद्बुध: ॥ रुद्रायतनभूमौ बा चतुरस्रमुद्रकप्ल्वम् ॥ दशहस्तानथाष्टौवा हस्तान्कुर्याद्विधानत: ॥ तस्यद्वाराणि चत्वारि कर्तव्यानि विचक्षणै: ॥
ग्रहवेदीलक्षणम् - मत्स्यपुराणे - त्रिवप्रचतुरस्त्रंच वितस्त्युछ्रायसंमितम् ॥ द्विरंगुलोच्छ्रितो वप्र: प्रथम: समुदाहृत: ॥ अंगुल्युछ्रय संयुक्तं वप्रद्वयमथोअपरि ॥ द्वयंगुलस्तत्र विस्तार: सर्वेषां कथितो बुधै: ॥
स्थंडिलम् - स्मृतिसारे - कुंडेवा स्थंडिलेवाsपि होमकर्म समाचरेत् ॥