अथ वाग्दान ( वाङनिश्चय ) प्रयोग:

॥ श्री: ॥ अथ मुख्यब्राह्मविवाहांगभूतवाग्दानविधिर्गृह्यपरिशिष्टाचारसंमत्योच्यते ॥ ज्योतिर्विदादिष्टेविवाहनक्षत्रादियुते शुभकाले वरेण तत्पित्रादिना वा प्रहिताश्चत्वारोsष्टौ वा प्रंशस्तवेषा: पुरंध्रीभिर्मंगलगीततूर्येश्च सह शकुनदर्शनपूर्वं कन्यागृहमेत्य शुभेसवस्त्रपीठासने प्राङमुखीं सालंकारां सुवेषा कन्यामुपवेश्य तद्धस्ते फ़लतांबूलादिदत्वा तत्पित्रादिपुरत: श्रीगणपत्यादिस्मरणपूर्वकं प्राङमुखा: प्रत्यङमुखा वा अमुकप्रवरान्वितायामुकगोत्रोत्पन्नायामुकप्रपौत्रायामुकपौत्नायामुकपुत्रायामुकनाम्ने वराय अमुकप्रवरोपेताममुकगोत्रोत्पन्नाममुकप्रपौत्रीममुकपुत्रीममुकनाम्नीं कन्यां भार्यात्वाय वृणीमहे इति ब्रूयु: ॥
अथ  दाता भार्याज्ञातिबंध्वनुमतिं कृत्वा वृणीध्वमिति वदेत् ॥ एवंपुन र्द्वि: प्रयुज्य प्रदास्यामि इतिचोचैस्त्रिर्वदेत् ॥ तति वरपित्रादिर्गंधाक्षतशुभवस्त्रयुग्मभूषणतांबूलपुष्पादिभि: कन्यां पूजयेत्संप्रदायागतमंत्रै: ॥
तत: कन्यादाता प्राङमुख: कन्यावामत उपविश्य आचम्य देशकालौ स्मृत्वा करिष्यमाणविवाहांगभूतं वाग्दानमहं करिष्ये ॥ तदं गं गणपतिपूजनं वरुणपूजनंच करिष्ये इतिसंकल्प्य गणानांत्वेति गणपतिं पूजयित्वा महीद्यौरित्यादिमंत्रै: यथाचारकलशपूजनादि च कृत्वा स्वस्थाने कन्यापूजयितारमुपवेश्य स्वयंतत्प्राच्यां प्रत्यङमुख उपविश्य तं गंधतांबूलदानादिना पूजयेत्स च दातारं ॥ ततोदाता आचारतोहरिद्राखंडंपंचदृढपूगफ़लानिच गंधाक्षतालंकृतानिगृहेत्वा अमुकप्रवरान्वितायामुकगोत्रोत्पन्नायामुकप्रपौत्रायामुकपौत्रायामुकपुत्रायामुकनाम्ने वराय अमुकप्रवरान्विताममुकगोत्रोत्पन्नाममुकप्रपौत्रीममुकपौत्रीममुकस्यममपुत्रीममुकनाम्नीमिमां मन्यां ज्योतिर्विदादिष्टे सुमुहूर्ते दास्ये इतिवाचा संप्रददे इतिचोक्त्वा ॥ अव्यंगेsपतिते sक्लीबेदशदोषविवर्जिते ॥ इमांकन्यांप्रदास्यामिदेवाग्निद्विजसन्निधौ ॥ इति वरपित्रादिवस्त्रप्रांते तानि पूगफ़लानि प्रक्षिप्य प्रतिष्टामंत्रेण तदस्त्वित्यादिना वस्त्रे वद्ध्वा ग्रंथिं चंदनेन चर्चयेदित्याचारप्राप्तं ॥
ततोहरिद्राखंडपंचपूगफ़लानितथैववरपित्रादिर्गृहीत्वा अमुकगोत्रामुकवरविषयेभवंतोनिश्चिताभवंतु इति दातृवस्त्रप्रांते प्रक्षेपादि कुर्यात् ॥
ततोदाता ॥ वाचादत्तामयाकन्यापुत्रार्थंस्वीकृतात्वया ॥ कन्यावलोकनविधौनिश्चितस्त्वंसुखीभव इति वरपितरंप्रति पठेत् ॥ सच ॥ वाचादत्ता त्वयाकन्यापुत्रार्थंस्वीकृतामया ॥ वरावलोकनविधौनिश्चितस्त्वंसुखीभव इतिदातारंप्रति पठेत् ॥ भ्रात्रादौस्वीकर्तरिभ्रात्रर्थंमित्रार्थमित्याद्यूह:कार्य:
ततोब्राह्मणा: ॥ शिवाआप:संतु ॥ सौमनस्यमस्तु ॥ अक्षतंचारिष्टंचास्तु ॥ दीर्घमायु:श्रेय:शांति:पुष्टिस्तुष्टिश्चास्तु ॥ एतद्व:सत्यमस्तु इत्युक्त्वा ॥ ॐ समानीवआकूति:समानाहृदयानिव: ॥ समानमस्तुवो मनोयथाव:सुसहासति ॥ ॐ प्रसुग्मंताधियसानस्यसक्षणिर्वरेभिर्वरॉंअभिषुप्रसीदत: ॥ अस्माकमिंद्रउभयंजुजोषतियस्तोम्यस्यांधसोबुबोधति ॥ इति मंत्रौपठेयु: ॥
ततोदाता पात्रस्थसिततंदुलपुंजे शचीमावाह्य षोडशोपचारै:पूजयेत्तां च कन्यवं प्रार्थयेत् ॥ देवेंद्राणिनमस्तुभ्यंदेवेंद्रप्रियभामिनि ॥ विवाहंभाग्यमारोग्यंपुत्रलाभंचदेहिमे इति ॥
तत:पुरंध्रीभिर्नीराजनादिमांगलिकंकार्यं ॥ विप्राश्चगंधतांबूलादिना पूजिता आशीर्मंत्रान्पठेयु: ॥ तेच ॥ ॐ हिंकृण्वतीवसुपत्नीवसूनांवत्स मिच्छंतीमनसाभ्यागात् ॥ दुहामश्चिभ्यांपयोअघ्न्येयंसावर्धतांमहतेसौभगाय ॥ ॐ समिद्धस्यश्रयमाण:पुरस्तादूब्रह्मवन्वानोअजरंसुवीरं ॥ आरे अस्मदमतिंबाधमानउच्छ्रयस्वमहतेसौभगाय ॥ ॐ वनस्पातेशतवल्शोविरोहसहस्रवल्शाविवयंरुहेम ॥ यंत्वामयंस्वधितिस्तेजमान:प्रणिनायमहते सौभगाय ॥ ॐ इदुर्द्र्वानामुपसख्यमायन्त्सहस्रधार:पवतेमदाय ॥ नृभि स्तवानोअनुधामपूर्वमगन्निंद्रंमहतेसौभगाय ॥ ॐ अस्यपिबक्षुमत:प्रस्थित स्येंद्रसोमस्यवरमासुतस्य ॥ स्वस्तिदामनसामादयस्वार्वाचीनोरेवतेसौभगाय ॥ ॐ घृतादुर्लुप्तंमधुमत्सुवर्णंधनंजयंधरुणंधारयिष्णु ॥ ऋणक्सपत्ना दधरांश्चकृण्वदारोहमांमहतेसौभगाय ॥ इतिसौभगायपदान्ता:षट् ॥ ॐ तदस्तुमित्रा० ॥ इतिमंत्रै:कन्याशिरस्याक्षतप्रक्षेपेणाशीर्दानंकुर्यु:आचारादुभौसंमील्यगृहान्गच्छेयु: ॥