अथ गर्भांधान मुहूर्त निर्णय:

तत्र अस्तादि विचार: - गर्भाधानादिसंस्कारे तथान्नप्राशनेशिशो: ॥ नतत्र गुरुशुक्रास्तमलमासादिदूषणम् ॥ इदंप्रथमऋतौ गर्भाधानकरणे अन्यथा दोषो स्त्येव ॥ उक्तंच वसिष्ठेन ॥  अतीतकालान्यखिलानियानि कार्याणि सौम्यायनगे दिनेशे ॥ गुरौभृगौवाप्यथदृश्यमाने तदुक्तपंचांगदिनेप्यखंडे ॥ गर्भाधान संस्कार तिथय: - षष्ट्याष्टमी पंचदशी चतुर्थी चतुर्दशी तिथ्युभयत्र हित्वा ॥ शेषा शुभा:स्युस्तिथयो निषेके वारा शशांकार्यसितेंदुजानां ॥ नक्षत्राणि: - स्वातौ हस्तेsनुराधायां रोहिण्यांवाश्रवत्रये ॥ त्र्युत्तरे मृगशीर्षेच गर्भाधानं शुभावहं ॥ चित्रापुनर्वसौ पुष्ये अश्विन्यां मध्यमं स्मृतम् ॥ जन्मर्क्षंभरणीमूलेवर्जयेत् रेवतीं मघाम् ॥ यस्मिन् ऋक्षेभवेद्रर्भस्तस्माद्यद्दशमंभवेत् ॥ तत्रापत्यं प्रजायेत तस्मादेवत्रयं त्यजेत् ॥ संस्कारकौस्तुभे ज्येष्ठापिवर्ज्यास्ति ॥
गर्भाधान ग्रहबल विचार: - केंद्रत्रिकोणगै: १।४।७।१०।९।५। सौम्यै: शशांके सबलस्थिते ॥ त्रिलाभारिगतै: पापै: ३।११।६ गर्भाघानं सुतप्रदम् ॥१॥