स्त्रीगीत - पाळणा मुलाचा

पाळणा डोलविते हलविते
बाळा गीत तुला गाते ॥धृ॥
पहिला वहिला पुत्रचि अससी
वंशाचा तूं दीपक गमसी
सौख्य निधानाची हो मातेसी
हेचि मनी चिंतिते ॥१॥
प्रीतीलतेवर पुष्प उमलले
दोन मनांचे भाव गुंतले
भाग्य जणु तव रुपे फुलले
भूषण मज वाटते ॥२॥
आजी, मामा, काका, आत्या
उत्सुक सारे तुझिया करिता
तोष देई तूं सकलहि आप्ता
शुभ आशिष देते ॥३॥
भाग्यवंत हो बुध्दिवंत हो
यत्नवंत, गुण्वंत तसा हो
शुध्द भाव मनी सदैव राहो
तुजसी हे सांगते ॥४॥