स्त्रीगीत - पाळणा मुलाचा

(चाल लाडक्या राणीला लागले डोहाळे)
लाडक्या बाळाला । झोके देते ताई
कर तूं अंगाई । बाळराजा ॥१॥
साजिरं गोजिरं । बाळ कौतुकाचं
सुंदर भाग्याच आहे गुणी ॥२॥
भालवर तीट । काजळाचे बोट
गाली गालबोट । राजसाच्या ॥३॥
वंशाचा लौकिक । वाढव तूं कीर्ती
कर्तव्याची पूर्ती । करुनिया ॥४॥
हाससि नादत । खेळसी डौलात
उद्याच्या स्वप्नांत । रंगसी का ॥५॥
तुझ्या कर्तुत्वाचे । आईला भुषण
भाग्याचे निधान । होई बाळा ॥६॥
शुभ आशिर्वाद । प्रेमे देते ताई
दीर्घायुषी होई । भाऊराजा ॥७॥