स्त्रीगीत - मुलीचा पाळणा

निजविते गाउनिया आई
लाडके छकुले अंगाई ॥धृ॥
रुप तुझे लडिवाळ चिमुकले
लुक लुक करिती चिमणे डोळे
भुरभुर उडते जावळ काले
हर्ष मनी होई ॥१॥
भाग्यवती ही पहिली वहिली
कौतुकाची राजस बाळी
आनंदाची खाणच गमही
शोभा अवघ्या गृही ॥२॥
मातृत्वाचे सौख्य आगळे
तुझ्यामुळे गे मला लाभले
पाहुनि तुजला धन्य जाहले
स्वप्नपूर्ती होई ॥३॥
बालपणी घे झोप सुखाने
हास खेळ बाहु स्वच्छंदाने
वंशाचे तव नांव उजळणे
ध्यानी धरा बाई ॥४॥