विश्वमूर्त्यष्टकम् - अकारणायाखिलकारणाय नमो महा...

अकारणायाखिलकारणाय नमो महाकारणकारणाय ॥
नमोऽस्तु कालानललोचनाय कृतागसं मामव विश्वमूर्ते ॥१॥
नमोऽस्त्वहीनाभरणाय नित्यं नमः पशूनां पतये मृडाय ॥
वेदान्तवेद्याय नमो नमस्ते कृता० ॥२॥
नमोऽस्तु भक्तेहितदानदात्रे सर्वौषधीनां पतये नमोऽस्तु ॥
ब्रह्मण्यदेवाय नमो नमस्ते कृता० ॥३॥
कालाय कालानलसन्निभाग हिरण्यगर्भाय नमो नमस्ते ॥
हालाहलादाय सदा नमस्ते कृता० ॥४॥
विरञ्चिनारायणशक्रमुख्यैरज्ञातवीर्याय नमो नमस्ते ॥
सूक्ष्मातिसूक्ष्माय नमोऽघहन्त्रे कृतागसं० ॥५॥
अनेककोटीन्दुनिभाय तेऽस्तु नमो गिरीणां पतयेऽघहन्त्रे ॥
नमोस्तु ते भक्तविपद्धराय कृतागसं० ॥६॥
सर्वान्तरस्थाय विशुद्धधाम्ने नमोऽस्तु ते दुष्टकुलांतकाय ॥
समस्त तेजोनिधये नमस्ते कृतागसं० ॥७॥
यज्ञाय यज्ञादिपलप्रदात्रे यज्ञस्वरूपाय नमो नमस्ते ॥
नमो महानन्दमयाय नित्यं कृतागसं मामव० ॥८॥
इति स्तुतो महाएवो दक्षं प्राह कृताञ्जलिम् ॥
यत्तेऽभिलषितं दक्ष तत्ते दास्याम्यहं ध्रुवम् ॥६॥
अन्यच्च श्रृणु भो दक्ष यच्च किञ्चिद्‌ब्रवीम्यहम् ॥
यत्कृतं हि मम स्तोत्रं त्वया भक्त्या प्रजापते ॥१०॥
ये श्रद्धया पठिष्यन्ति मानवाः प्रत्यहं शुभम् ॥
निष्कल्मषा भविष्यन्ति सापराधा अपि ध्रुवम् ॥११॥
इति दक्षकृतं विश्वमूर्त्यष्टकं सम्पूर्णम् ।