जम्बुनाथाष्टकम् - कश्चन जगतां हेतुः कपर्दकन...

कश्चन
जगतां हेतुः कपर्दकन्दलितकुमुदजीवातुः ।
जयति
ज्ञानमहीन्दुर्जन्ममृतिक्लान्तिहरदयाबिन्दुः ॥१॥
श्रितभृतिबद्धपताकः
कलितोत्पलवननवमदोद्रेकः ।
अखिलाण्डमातुरेकः
सुखयत्वस्मांस्तपःपरीपाकः॥
कश्चन
कारुण्यजलः कमलाकुचकलशकषणनिशितशरः ।
श्रीमान्
दमितत्रिपुरः श्रितजम्बूपरिसरश्चकास्तु पुरः ॥३॥
शमितस्मरदवविसरः
शक्राद्याशास्यसेवनावसरः
करिवनघनभाग्यभरो
गिलतु मलं मम मनस्सरशफरः ॥४॥
गृहिणीकृतवैकुण्ठं जम्बूमहीरुहोपकण्ठं ।
दिव्यं किमप्यकुण्ठं तेजस्तदस्मदवनसोत्कण्ठम् ॥५॥
कृतशमनदर्पहरणं
कृतकेतरफणिति चारु रथचरणम् ।
शक्रादि
श्रितचरणं शरणं जम्बुद्रुमान्तिकाभरणम् ॥६॥
करुणारसपरिधये
करवाणि नमः प्रणम्रसुरविधये ।
जगदानन्दनिधये
जम्बूतरुमूलनिलयसन्निधये ॥७॥
कञ्चन
शशिचूडालं कण्ठे कालं दयौघमुत्कूलम् ।
श्रित
जम्बूतरुमूलं शिक्षितकालं भज जगन्मूलम् ॥८॥

(इति श्री श्रीधरवेङ्कटेशाचार्यकृत जम्बुनाथाष्टकम्)