श्रीसुब्रह्मण्याष्टकम् - नमॊऽस्तु बृन्दारकबृन्दवन्...

नमॊऽस्तु बृन्दारकबृन्दवन्द्य-
पादारविन्दायसुधाकराय ।
षडाननायामितविक्रमाय
गौरीहृदानन्दसमुद्भवाय ॥१॥
नमॊऽस्तु तुभ्यं प्रणतार्तिहन्त्रे
कर्त्रे समस्तस्य मनॊरथानाम् ।
दात्रे रतानां परतारकस्य
हन्त्रे प्रचण्डासुरतारकस्य ॥२॥
अमूर्तमूर्तायसहस्रमूर्तये
गुणायगुण्यायपरात्पराय ।
अपारपाराय परात्पराय
नमॊऽस्तु तुभ्यं शिखिवाहनाय ॥३॥
नमॊऽस्तु ते ब्रह्मविदांवराय
दिगंबरायाम्बरसंस्थिताय ।
हिरण्यवर्णाय हिरण्यबाहवे
नमॊ हिरण्याय हिरण्यरेतसे ॥४॥
तपःस्वरूपाय तपॊधनाय
तपः फलानां प्रतिपादकाय ।
सदा कुमाराय हिमारमारिणॆ
तृणीकृतैश्वर्यविरागिणॆ नमः ॥५॥
नमॊऽस्तु तुभ्यं शरजन्मने विभॊ
प्रभातसूर्यारुण दन्तपङ्क्तये ।
बालाय चाबालपराक्रमाय
षण्मातुराबालमनातुराय ॥६॥
मीढुष्टमायोत्तरमीढुषॆ नमॊ
नमॊ गणानांपतये गणाय ।
नमॊऽस्तु ते जन्मजरातिगाय
नमॊ विशाखाय सुशक्तिपाणये ॥७॥
सर्वस्यनाथस्य कुमारकाय
क्रौञ्चारये तारकमारकाय ।
स्वाहेय गांगेय च कार्तिकेय
शैलेय तुभ्यं सततं नमॊऽस्तु ॥८॥