सुदर्शनषटकं - सर्व कार्य सिद्ध्यर्थे श्...

सर्व कार्य सिद्ध्यर्थे श्री सुदर्शनषटकं ॥

सहस्रादित्य संकाशं सहस्रवदनं प्रभुम् ।
सहस्रदं सहस्रारं प्रपद्येहं सुदर्शनम् ॥ १॥

हसंतम् हारकेयुर मुकुटाङ्गद भूषणैः ।
शोभनैर्भूषिततनुं प्रपद्येहं सुदर्शनम् ॥ २॥

स्राकार सहितं मंत्रं वदतां शत्रु निग्रहम् ।
सर्वरोग प्रशमनं प्रपद्येहं सुदर्शनम् ॥ ३॥

रणत्किङ्किणि जालेन राक्षसघ्नं महात्भुतम् ।
व्याप्तकेशं विरूपाक्षं प्रपद्येहं सुदर्शनम् ॥ ४॥

हूंकार भैरवं भीमं प्रणतार्ति हरं प्रभुम् ।
सर्वदुष्ट प्रशमनं प्रपद्येहं सुदर्शनम् ॥ ५॥

फट्शारान्तमनिर्देश्यं दिव्यमंत्रेण संयुतम् ।
शुभं प्रसन्नवदनं प्रपद्येहं सुदर्शनम् ॥ ६॥

एतैष्षड्भिः स्तुतो देवः प्रसन्नः श्रीसुदर्शनः ।
रक्षां करोतु सर्वात्मा सर्वत्र विजयीभवेत् ॥ ७॥