आश्रयाष्टकम् - गिरिचरं करुणामृत सागरं पर...

देवी देवतांची अष्टके, आजारपण किंवा कांही घरगुती त्रास होत असल्यास घरीच देवासमोर म्हणण्याची ईश्वराची स्तुती होय.
Traditionally,the ashtakam is recited in homes, when some one has health or any domestic problems.


आश्रयाष्टकम्
गिरिचरं करुणामृत सागरं परिचरं परमं मृगयापरम् । सुरुचिरं सुचराचरगोचरं हरिहरात्मजमीश्वरमाश्रये ॥१॥
प्रणतसञ्चयचिन्तित कल्पकं प्रणतमादिगुरुं सुरशिल्पकम् । प्रणवरञ्जित मञ्जुळतल्पकं हरिहरात्मजमीश्वरमाश्रये ॥२॥
अरिसरोरुहशङ्खगदाधरं परिघमुद्गरबाणधनुर्धरम् । क्षुरिक तोमर शक्तिलसत्करं हरिहरात्मजमीश्वरमाश्रये ॥३॥
विमलमानस सारसभास्करं विपुलवेत्रधरं प्रयशस्करम् । विमतखण्डन चण्डधनुष्करं हरिहरात्मजमीश्वरमाश्रये ॥४॥
सकललोक नमस्कृत पादुकं सकृदुपासक सज्जनमोदकम् । सुकृतभक्तजनावन दीक्षकं हरिहरात्मजमीश्वरमाश्रये ॥५॥
शरणकीर्तन भक्तपरायणं चरणवारिधरात्मरसायनम् । वरकरात्तविभूति विभूषणं हरिहरात्मजमीश्वरमाश्रये ॥६॥
मृगमदाङ्गित सत्तिलकोज्वलं मृगगणाकलितं मृगयाकुलम् । मृगवरासनमद्भुत दर्शनं हरिहरात्मजमीश्वरमाश्रये ॥७॥
गुरुवरं करुणामृत लोचनं निरुपमं निखिलामयमोचनम् । पुरुसुखप्रदमात्मनिदर्शनं हरिहरात्मजमीश्वरमाश्रये ॥८॥
आश्रयाष्टकं सम्पूर्णम् ॥

Translation - भाषांतर
N/A

References : N/A
Last Updated : 2016-11-11T11:51:04.7230000