वैद्य आणि रोगी

इसापने रचलेल्या गोष्टी केवळ उपदेशपर नसून अत्यंत रंजक आहेत.

Many stories included in Aesop's Fables, are distinguished by its own special characteristics and moral.


वैद्य आणि रोगी

एकदा एका रोग्याच्या घरी जाऊन एक वैद्य म्हणाला, 'काय हो, आज कसं काय वाटतं आहे?'

रोगी म्हणाला, 'आज मला फारच चांगल वाटतं आहे.'

वैद्य म्हणाला, 'हे तर उत्तम चिन्ह.'

दुसर्‍या दिवशी त्याने तोच प्रश्न विचारला तेव्हा रोगी म्हणाला, 'माझ्या अंगात आज कापरं भरलं आहे. तेव्हा वैद्य म्हणाला 'हे लक्षण तर फारच चांगलं.'

यानंतर त्या रोग्याचे काही मित्र त्याच्याकडे भेटायला गेले व त्यांनी त्याला तब्येतीविषयी विचारले. तेव्हा तो म्हणाला, 'माझ्यासंबंधीची इतकी चांगली लक्षणं वैद्यबुवांस दिसू लागली आहेत की, त्यावरून मी आता काही फार दिवस जगणार नाही असं वाटतं !'

Translation - भाषांतर
N/A

References : N/A
Last Updated : 2008-01-10T06:23:25.9230000