स्वर अंतरंगाचे - पाऊस

आला आला पाऊस

मला वाटे समाधान । आता नसे काय उण
होऊ नकोस उदास । आला पाऊस पाऊस ॥१॥

पशु पक्षी आनंदले । चारा पानी खूप झाले
पारावार ना सुखास । आला ॥२॥

तृप्त झाली धरती । पिकतील जीवन मोती
आता ना कमी धनास । आला ॥३॥

प्रफुल्ल झाल्या दाही दिशा । लोपवावे दुर्दशा
संपेल आमचा ध्यास । आला ॥४॥

तृप्त झाली झाड वेली । फळे फुले बहरली
सृष्टीची आम्हाला कास । आला ॥५॥

झाली बघ चंगळ । गेली धूवून मरगळ
होऊ नकोस हताश । आला ॥६॥

पिके डोलती जोमाने । धनी नाचती प्रेमाने
किती गाऊ मी गाण्यास । आला ॥७॥

सान थोर सुखावले । सर्वत्र सांगू लागले
प्रेमे वंदुया श्रीस्वामीस । आला ॥८॥